Shruti Hasan Viral Photo: बॉलिवूडमधील कलाकार नेहमीच कोणत्या ना कोणत्या कारणाने सोशल मीडियावर चर्चेत असतात. त्यासोबतच कलाकार आपल्या ग्लॅमरस आणि डॅशिंग लूकमुळे ते चर्चेत असतात. कायमच सिनेस्टार्स आपले खास फोटो सोशल मीडियावर शेअर करतात. त्यांच्या त्या फोटोंची सोशल मीडियावर बरीच चर्चा होत असते. मात्र नुकतेच श्रुती हसनने सोशल मीडियावर एक फोटो शेअर केला आहे. ज्यामुळे श्रृती सर्वत्र चर्चेचा विषय ठरली आहे.

श्रुतीने तिच्या इंस्टाग्रामवर अकाउंटवर असे काही फोटो शेअर केले आहेत, जे सहसा अभिनेत्री ते फोटो कधी शेअर करत नाहीत. पहिल्या फोटोत श्रुतीने केस मोकळे सोडले असून दुसऱ्या फोटोत आजारी आणि थकलेली दिसत आहे.

हे फोटो शेअर करत श्रुतीने कॅप्शनमध्ये लिहिले की, “परफेक्ट पोस्ट आणि सेल्फीच्या जगात माझे काही लूक फायनल होऊ शकले नाहीत. खराब केसांचा दिवस, ताप, सायनसमुळे सुजलेला चेहऱ्यासोबतच मासिक पाळीचा त्रास आणि आराम. तुम्हाला माझा हा लूकही नक्कीच आवडेल अशी आशा आहे.”

सुप्रसिद्ध बॉलिवूड अभिनेते कमल हसन यांची मुलगी श्रुती हसन बॉलिवूड अभिनेत्रींपैकी एक आहे. गेल्या काही दिवसांपूर्वी श्रुतीने तिच्या नाकाची सर्जरी केल्याचा खुलासा केला होता. “मी माझ्या नाकाची सर्जरी केली आहे. माझ्या नाकाला दुखापत झाल्यामुळे मी सर्जरी केली.” असे श्रुतीने तिच्या इंस्टाग्राम अकाउंटवर शेअर करत स्पष्ट शब्दांमध्ये सांगितले होते.

स्टार्सच्या ग्लॅमरस फोटोंवर चाहत्यांनी भरभरून प्रेमाचा वर्षाव केला असला तरी श्रुतीची ही साधी स्टाईलही लोकांची मनं जिंकत आहे. तिचे हे फोटो लोकांना खूप आवडले असले तरी तिच्या साधेपणाचं कौतुक सर्वत्र केले जात आहे. या पोस्टवर कमेंट करत एका यूजरने लिहिले की, "खूप निष्पाप चेहरा." तर दुसर्‍या युजर्सने "अजूनही सुंदर" अशी कमेंट केली.