Rakhi Sawant New Song Out: बॉलिवूडची ड्रामा क्वीन राखी सावंत आणि तिचा पती आदिल खान दुर्राणी यांच्यात गेल्या अनेक दिवसांपासून वादाचे खटके उडत आहे. यांच्यातील वाद हा खासगी राहिला नसून तो एक सार्वजनिक विषय ठरला आहे. राखीच्या खासगी आयुष्यात अनेक दुःखांना सामोरे गेल्यानंतर तिने आपल्या चाहत्यांना एक नवी भेट दिली.

राखी एका गाण्याच्या माध्यमातून प्रेक्षकांच्या भेटीला आली आहे. राखीचे हे नवे गाणे प्रदर्शित झाले असून त्या गाण्याचे नाव 'झूठा' असे आहे.

हे गाणे शुक्रवारी अर्थात काल प्रदर्शित झाले असून गेल्या काही दिवसांपूर्वी या गाण्याचा टीझर सोशल मीडियावर शेअर करण्यात आला होता. अखेर राखीचे अनेक वादानंतर गाणं प्रदर्शित झाले आहे. अवघ्या काही तासातच या गाण्याने लाखोंचा टप्पा पार केला. खरं तर हे गाणं राखीच्या खऱ्या आयुष्यावर आधारित असून प्रेक्षकांनी त्याला चांगला प्रतिसाद दिला आहे.

राखीचं हे गाणं अल्तमाश फरिदीने गायलं असून राखीसह सलमान शेखने यामध्ये अभिनय केला आहे. या गाण्याची निर्मिती व दिग्दर्शन कोरिओग्राफर मुदस्सर खानने केलं आहे.