अभिनेत्री मलायका अरोरा नुकताच तिचा ५० वा वाढदिवस साजरा केला आहे. तिला अनेक बॉलिवूड सेलिब्रिटींनी वाढदिवसाच्या शुभेच्छा दिल्या. अभिनेता अर्जुन कपूरने देखील मलायकासाठी खास पोस्ट शेअर केली होती.
काही दिवसांपूर्वी मलायका मराठीमोळ्या अवतारात दिसली होती. अभिनेत्री श्रेया बुगने देखील मलायकाचा एक व्हिडीओ शेअर करत तिचे कौतुक केले होते. मलायकाचा आणखी एक व्हिडीओ सध्या व्हायरल होत आहे. या व्हिडीओमध्ये मलायका लाडू वळताना दिसत आहे.
झी मराठीने त्यांच्या सोशल मीडियावर मलायकाचा एक व्हिडीओ शेअर केला आहे. बहुचर्चित 'झी मराठी' पुरस्कार सोहळ्यातील हा व्हिडीओ आहे. या पुरस्कार सोहळ्याला मलायकाने हजेरी लावली होती. पुरस्कार सोहळ्यातील या प्रोमो व्हिडीओने सगळ्यांचे लक्ष वेधून घेतलं आहे.
मलायका अरोराने पुरस्कार सोहळ्यात तिच्या डान्सचा जलवा देखील दाखवला. मराठी आणि हिंदीमधील लोकप्रिय गाण्यांवर मलायकाने डान्स सादर केला. या गाण्यामध्ये 'ढगाला लागली कळ' आणि 'छय्या छय्या' या गाण्याचा समावेश होता.
त्यानंतर मलायकाने श्रेया बुगडेसह मंचावर लाडू वळल्याचे देखील व्हिडीओमध्ये दिसत आहे. तसेच मलायका सलील कुलकर्णी यांच्याकडे पाहून म्हणते, 'फक्त लाडू देणार, पण मी नाही येणार.'
मलायकाने डान्स परफॉर्मन्स वेळी गोल्डन रंगाचा डीपनेक ब्लाऊज घातला होता. तर रेड स्कर्ट घातला होता. केसात गजरा मळाला होता, कपाळाला टिकली लावली होती, तर तिच्या नाकात नाथ देखील होती. (Latest Entertainment News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.