Jaya Bachchan Latest News: ज्येष्ठ अभिनेत्री आणि सपाच्या खासदार जया बच्चन आणि पापाराझींचे कधीच पटत नाही असे दिसते. अनेकदा त्या माध्यमांच्या कॅमेरामन आणि फोटोग्राफर्सवर भडकताना दिसतात. अलीकडेच जया बच्चन या दिवाळीत पापाराझींवर पुन्हा एकदा वैतागल्याचा व्हिडिओ व्हायरल झाला आहे.

व्हिडिओमध्ये जया बच्चन (Jaya Bachchan) कॅमेरामनवर ओरडतानाच नाही, तर त्याला त्याला सळो की पळो करताना दिसत आहे. जया बच्चन यांचा व्हिडिओ सोशल मीडियावर चांगलाच व्हायरल होत आहे, ज्यामध्ये त्या पापाराझींवर ओरडताना दिसत आहे. व्हिडिओमध्ये दिसत आहे की दिवाळी पूजेसाठी पापाराझी बच्चन कुटुंबाचे फोटो काढण्यासाठी आले होते, परंतु त्यांना हे बहुतेक आवडले नाही. त्यांनी पापराझींना फटकारण्यास सुरुवात केली.

जया बच्चन या पापाराझींना पाहताच भडकल्या. त्यांना विचारले, की "तुम्ही कसे काय कव्हरेज चित्रीत करत आहे?" यानंतर त्या पापाराझींना 'घुसखोर' म्हणाल्या. जया यांचा राग पाहून घटनास्थळी उपस्थित कॅमेरामननी लगेचच आपले कॅमेरे बंद करत ते घटनास्थळावरून निघून गेले.

जया बच्चन यांच्या या व्हिडिओवर अनेक यूजर्सने कमेंट करत पापाराझींना प्रश्न विचारले आहेत. त्यांना एकटे सोडा. तसेच एक यूजर म्हणतो, 'तुम्ही लोक त्यांचे फोटो का काढत आहात? त्यांना एकटे सोडा. तुम्ही या मॅडमसाठी तुमचा वेळ वाया घालवू नका. दुसऱ्याने लिहिले, 'पापाराझींसोबत नीट बोलू शकत नाही का? तो दिवसभर त्यांच्या फोटोची वाट पाहत असतो.

Edit By: Chetan Bodke