Gadar 2 Sunny Deol Look: सनी देओलच्या ‘गदर’ या सुपरहिट चित्रपटातील तारा सिंगची व्यक्तिरेखा प्रत्येक भारतीयाच्या मनात घर करून आहे. २००१ साली प्रदर्शित झालेल्या या चित्रपटाची क्रेझ आजही कायम आहे.

चित्रपटातील केवळ संवादच नाही तर कथाही लोकांना आठवते. गेल्या काही दिवसांपूर्वीच ‘गदर’च्या सिक्वेलची घोषणा करण्यात आली. ‘गदर २’ हा चित्रपट लवकरच प्रेक्षकांच्या भेटीला येणार असून नुकताच सनी देओलने त्याचे काही फोटो चाहत्यांसोबत शेअर केला आहे.

सनी देओलने त्याच्या सोशल मीडिया अकाऊंटवर ‘गदर २’ मधील त्याचा लूक चाहत्यांसोबत शेअर केला आहे. ज्यामध्ये तो आरशासमोर उभा असल्याचे दिसत आहे. सनी देओलने शेअर केलेल्या फोटोमध्ये तो तारा सिंगच्या लूकमध्ये परफेक्ट दिसत आहे. त्याच्या लुकबद्दल बोलायचे झाले तर त्याने पिवळा टी-शर्ट आणि राखाडी रंगाची पगडी घातलेली दिसत आहे. सनीने फोटो शेअर करताना कॅप्शनमध्ये लिहिले की, ‘रिफ्लेक्शन’.(Entertainment News)

सध्या त्याच्या फोटोंवर युजर्सने ट्रोलिंगसोबतच त्याच्या लूकचे कौतुकही केले आहे. सर्वाधिक या लूकची ट्रोलिंग होत आहे. पाकिस्तानचा जावई पुन्हा येतोय... आमचा भाऊ तारा सिंग, असं म्हणत सनी देओलला ट्रोल केले आहे. सोबतच हिंदूस्थान झिंदाबाद म्हणत देखील ट्रोलिंग केली जात आहे. खंबीर तारासिंग म्हणून देखील त्याच्या लूकचे सर्वत्र कौतुक होत आहे. सोबतच अनेक चाहते चित्रपटाबद्दल फार उत्सुक असल्याचे दिसत आहेत.(Latest Marathi News)

सनी देओलचा ‘गदर २’ हा चित्रपट येत्या ११ ऑगस्टला प्रदर्शित होणार आहे. ‘गदर’ चित्रपटाला प्रेक्षकांकडून भरघोस प्रतिसाद मिळाला होता. तब्बल २३ वर्षांनंतर या चित्रपटाची घोषणा झाल्यामुळे प्रेक्षक फार उत्सुक आहेत. चित्रपटात प्रमुख भूमिकेत सनी देओल सोबतच अमीशा पटेल देखील दिसणार आहे.