Berlin Film Premiere At MAMI Film Festival

अपारशक्ती खुराना प्रमुख भूमिकेत असलेला ‘बर्लिन’ चित्रपट सध्या प्रचंड चर्चेत आला आहे. या चित्रपटाचा नुकताच मामि फिल्म फेस्टिव्हलमध्ये (MAMI Film Festival) प्रीमियर पार पडला. सध्या त्याच्या अभिनयाचे प्रेक्षकांकडून जोरदार कौतुक होत आहे. सोबतच त्याने साकारलेल्या भूमिकेचंही प्रेक्षकांकडून कौतुक होत आहे. (Bollywood Film)

टोरंटो इंटरनॅशनल फिल्म फेस्टिव्हल २०२३, लॉस एंजेलिस 2023 च्या इंडियन फिल्म फेस्टिव्हलमध्ये मध्ये या चित्रपटाची आधी स्क्रिनिंग झालेली आहे. आता त्यानंतर मामि फिल्म फेस्टिव्हलमध्ये चित्रपटाचं स्क्रिनिंग होणार आहे. प्रीमियरमध्ये अपारशक्तीच्या अभिनयाचे सर्वत्र कौतुक झाले. कोणतीही भूमिका असो, ती अगदी लिलया पार पाडतो. ‘बर्लिन’ मधील त्याच्या अभिनयाने प्रेक्षकांना खुर्चीसोबत खिळवून ठेवले होते. फक्त सेलिब्रिटींनीच नाही तर समीक्षकांनीही त्याचे कौतुक केले. (Award)

अतुल सबरवाल दिग्दर्शित आणि लिखित ‘बर्लिन’ चित्रपट अद्याप रिलीज झालेला नाही. चित्रपटामध्ये प्रमुख भूमिकेत अपारशक्ती खुरानासोबत इश्वाक सिंग, राहुल बोस आणि कबीर बेदी हे कलाकार आहेत. ‘बर्लिन’ व्यतिरिक्त, अपारशक्ती ‘स्त्री २’ मध्येही दिसणार आहे. (Entertainment News)