सध्या बॉलिवूडचे बच्चन कुटुंब चांगलेच चर्चेत आहे. सोशल मीडियावर अभिषेक आणि ऐश्वर्याच्या घटस्फोटाची चर्चा रंगली आहे. यावर अलिकडेच बीग बींनी आपले मत मांडले होते. या सर्व गोष्टी म्हणजे फक्त अफवा असे त्यांनी सांगितले होते.

महानायक अमिताभ बच्चन (Amitabh Bachchan) यांचे जगभरात असंख्य दिवाने आहेत. त्याने त्यांच्या अभिनयाने प्रेक्षकांच्या मनावर राज्य केलं आहे. अमिताभ बच्चन यांना भेटण्याची प्रत्येकाची इच्छा असते. त्यामुळे अनेकजण दर रविवारी त्यांच्या मुंबईतील 'जलसा' बंगल्याबाहेर येतात. दर रविवारी अमिताभ बच्चनही आपल्या चाहत्यांना भेटायला बाहेर येतात. तसेच बीग बींसाठी खूप सुंदर गिफ्ट्स देखील घेऊन येतात. चाहते रविवारची वाट पाहत असतात.

अमिताभ बच्चन यांचा असाच एक रविवारचा व्हिडिओ सोशल मीडियावर व्हायरल होत आहे. ज्यात अमिताभ बच्चन 'जलसा' बंगल्याबाहेर चाहत्यांच्या गर्दीत पाहायला मिळत आहेत. तेव्हा एका चाहत्याने हात उंचावून विठ्ठलाची मूर्ती अमिताभ बच्चन यांना दाखवली. ती मूर्ती खास त्या चाहत्याने बीग बींनसाठी आणली होती. ही मूर्ती पाहताच अमिताभ बच्चन यांनी हात जोडले आणि विठ्ठलाचे आशीर्वाद घेतले. त्यांच्या या कृतीचे सर्वत्र कौतुक होताना पाहायला मिळत आहे.

अमिताभ बच्चन सर्व चाहत्यांना हात उंचावून आणि हात जोडून नमस्कार करत होते. असे करून ते सर्वांशी संवाद साधत होते. अमिताभ बच्चन यांचा हा व्हिडिओ सोशल मीडियावर तुफान व्हायरल होत आहे. या व्हिडिओवर अनेक चाहत्यांनी , नेटकऱ्यांनी कमेंट्सचा वर्षाव केला आहे.

सध्या अमिताभ बच्चन 'कौन बनेगा करोडपती 16' होस्ट करत आहेत. ते अलिकडेच 'कल्की 2898 एडी' या चित्रपटात आपल्या दमदार भूमिकेत पाहायला मिळाले.