बिग बॉस मराठी या कार्यक्रमातून घराघरात पोहचलेला गुलिगत सूरज चव्हाण सध्या चांगलाच चर्चेत आहे. बिग बॉस मराठीचा विनर झाल्यानंतर सूरज रोज लोकप्रिय व्यक्तीची भेट घेताना दिसतोय. नुकतंच सूरज चव्हाण आणि प्रसिद्ध नृत्यागंणा गौतमी पाटीलची भेट झाली आहे. सूरज चव्हाणसोबतच्या भेटीचा व्हिडीओ गौतमी पाटीलने सोशल मीडियावर पोस्ट केलाय. हा व्हिडीओ तुफान व्हायरल झालाय.

प्रसिद्ध नृत्यांगणा गौतमी पाटीलने तिच्या इन्स्टाग्रामवर सूरजच्या भेटीचा व्हिडीओ पोस्ट केला आहे. सूरजला भेटल्यानंतर गौतमीला आनंद झालेला दिसतो आहे. गौतमी पाटील आणि सूरज मेकअप रूमध्ये एकमेकांशी छान गप्पा मारताना दिसत आहेत. व्हिडीओ शेअर करत गौतमीने 'बिग बॉस विजेता सूरज चव्हाण' असं कॅप्शन दिलं आहे. गौतमीच्या व्हिडीओवर लाखो लाईक्स आणि व्ह्यूज आले आहेत.

सूरज चव्हाण हा सोशल मीडियाच्या माध्यमातून लोकप्रिय झाला. सूरजचे मनोरंजनात्मक रिल्स आणि व्हिडीओ मोठ्या प्रमाणात व्हायरल झाले. सूरज चव्हाणचा चाहतावर्ग देखील मोठा आहे. नृत्यांगणा म्हणून गौतमी पाटीलची क्रेझ कायम आहे. मोठ्या मोठ्या कार्यक्रमांना गौतमी भेट देते. गौतमी पाटीलचे तिचे अनेक व्हिडीओ सोशल मीडियावर चाहत्यांसोबत शेअर करते. सोशल मीडियाच्या माध्यमातून सुरू केलेला या दोघांचा प्रवास आता सिनेसृष्टीकडे वळताना दिसतो आहे. अलिकडेच बिग बॉसचा विजेता झाल्यानंतर सूरज चव्हाण राजाराणी या चित्रपटात दिसणार आहे. तर प्रसिद्ध नृत्यागंणा अशी ओळख असलेली गौतमी पाटील ही लाईक अॅन्ड सबस्क्राईब या चित्रपटातून प्रेक्षकांच्या भेटीला येणार आहे.