'बिग बॉस मराठी'च्या सीझन 5 चा ग्रँड फिनाले धमाकेदार सुरू आहे. या सीझनचा कोण विजेता होणार आणि 'बिग बॉस मराठी'च्या मानाच्या ट्रॉफीवर कोण आपलं नाव कोरणार याकडे आता सर्वांचं लक्ष लागलं आहे. या पर्वाच्या ग्रँड फिनालेमध्ये बिग बॉसच्या घरातील सर्वच स्पर्धक सहभागी झाले आहेत. मात्र यामध्ये आर्या जाधव ही दिसत नाही आहे.

निक्की तांबोळी, अभिजीत सावंत, धनंजय पोवार, सूरज चव्हाण, जान्हवी किल्लेकर, अंकिता वालावलकर हे टॉप ६ स्पर्धक बिग बॉस मराठीच्या पाचव्या सीझनचे फानलिस्ट ठरले. ग्रँड फिनाालेपूर्वी बिग बॉसच्या घरात रियुनियन टास्क पार पडला. यामध्ये बिग बॉसच्या घरातील सर्वच स्पर्धक उपस्थित झाले होते यामध्ये आर्या जाधव दिसली नव्हती यामुळेच बिग बॉसच्या ग्रँड फिनालेला आर्या दिसणार का असा प्रश्न प्रेक्षकांना होता. मात्र बिग बॉसच्या ग्रँड फिनालेला आर्या आली नसल्याचे स्षष्ट होत आहे.

बिग बॉसच्या घरात आर्या आणि निक्की यांच्यामध्ये वाद झाला होता आर्याने निक्कीच्या कानाखाली मारली होती. यामुळे तिला घराबाहेर पडावे लागले होते. कार्यक्रमाचा होस्ट रितेश देशमुखने आर्याला बाहेरचा रस्ता दाखवला होता. आर्याचे कोणतेही एलिमिनेशन न होता तिच्या चुकीच्या वर्तनामुळे तिला घराबाहेर जाण्याचे आदेश देण्यात आला होता. कारण बिग बॉसच्या मराठीच्या ग्रँड फिनालेमध्ये आर्या जाधव दिसत नाही आहे.