मराठी अभिनेता पुष्कर जोग आपल्या अभिनयाने प्रेक्षकांच्या मनावर राज्य करतो. त्याचा मोठा चाहता वर्ग आहे. त्याने अनेक हिट चित्रपट केले आहेत. बिग बॉस मराठी सीझन १ चा पुष्कर रनरप होता. बिग बॉसच्या (Bigg Boss) घरातही त्याने आपल्या कमाल गेम खेळून प्रेक्षकांचे मनोरंजन केले. पुष्कर जोग (Pushkar Jog) हा अभिनेत्यासोबतच निर्माता देखील आहे.

पुष्कर जोगने एका मुलाखतीत सांगितले की, त्याला एका अभिनेत्रीवर क्रश आहे. ती अभिनेत्री मराठमोळी असून ती आता बॉलिवूड आणि साऊथमध्ये काम करते. तिला बॉलिवूड आणि साऊथमध्ये खूप जास्त प्रसिद्धी मिळाली आहे. ही अभिनेत्र दुसरी तिसरी कोणी नसून मृणाल ठाकूर आहे. पुष्करने मुलाखतीत सांगितले की, " मला मृणाल ठाकूर (Mrunal Thakur) खूप आवडते. ती माझी क्रश आहे. मला तिच्यासोबत काम करायला देखील आवडेल. माझी तशी इच्छा देखील आहे. हल्ली ती माझ्या मेसेजचे रिप्लायही देते. मी तिचा स्पॉटबॉयही बनेन इतकी ती मला आवडते. मला मृणालशी मैत्री करण्याची इच्छा आहे."

पुष्कर जोगने एअर हॉस्टेस जास्मीन ब्रह्मभटसोबत (jasmine brahmbhatt) 2014 मध्ये लग्नगाठ बांधली. त्यांना एक गोंडस मुलगी देखील आहे.

नुकताच 'बिग बॉस मराठी 5' चा विजेता सूरज चव्हाण झाला. सध्या महाराष्ट्रातून त्याला भरपूर प्रेम मिळत आहे. तर दुसरीकडे आता‘बिग बॉस 18’ प्रेक्षकांचे मनोरंजन करत आहे. 'बिग बॉस 18'चे होस्टिंग सलमान खान करत आहे.