'बिग बॉस मराठी 5' (Bigg Boss Marathi 5) यंदा चांगलच गाजलं आहे. कमी दिवसातही या शोने जास्त प्रसिद्धी मिळवली आहे. 'बिग बॉस मराठी 5' चा विजेता सूरज चव्हाण (Suraj Chavan) ठरला. त्याला महाराष्ट्रातून भरभरून प्रेम मिळत आहे. आपल्या साध्या भोळ्या स्वभावाने प्रेक्षकांच्या मनात जागा निमार्ण केली. सूरजला अनेक मोठ्या कलाकारांचा पाठिंबा पण होता.

'बिग बॉस मराठी 5' झाल्यानंतर आता सूरज चव्हाणने आपल्या सोशल मीडियावर पहिली रील शेअर केली आहे. यात त्यांनी एका गाण्यावर डान्स व्हिडीओ शेअर केला आहे. हे गाणे दुसरे तिसरे कोणाचे नसून बिग बॉसच्या घरातील सूरजचा खास मित्र आणि 'बिग बॉस मराठी 5' चा उपविजेता अभिजीत सावंत यांचे आहे. अभिजीतच्या 'मोहब्बतें लुटाऊंगा' या गाण्यावर सूरज कमाल डान्स स्टाईल हावभाव करताना दिसत आहे. नेटकऱ्यांनी या व्हिडीओवर प्रेमाचा वर्षाव केला आहे.अनेक कमेंट्स आणि लाईक्स या व्हिडीओला येत आहेत.

सूरजने या व्हिडीओला खास हॅशटॅग दिले आहेत. त्यांनी गुलीगत, झापूक झुपूक, विजेता, बिग बॉस असे कॅप्शनमध्ये टाकले आहे. सूरजच्या या व्हिडीओवर अभिजीतने देखील एक खास कमेंट केली आहे. अभिजीतने लिहिलं की, "सूरज, आय लव्ह यू". अभिजीतने हे गाणे इंडियन आयडलमध्ये गायले होते.

सूरजने नुकतीच केदार शिंदेची भेट घेतली. बिग बॉसनंतर यांच्यात खूप खास नात निमार्ण झाल आहे. केदार शिंदे यांनी सूरजला विठ्ठलाची मूर्ती गिफ्टमध्ये दिली.