'बिग बॉस मराठी 5' (Bigg Boss Marathi ) या पर्वात अनेक तगडे कलाकार आपल्याला पाहायला मिळाले आहेत. यात 'परदेसी गर्ल' इरिना रुडाकोवा (Irina Rudakova) ही देखील सहभागी होती. ती तिच्या ग्लॅमरस अंदाजासाटी ओळखली जाते. ती मूळात परदेशात वाढली आहे. गेल्या काही वर्षांपासून ती मुंबईत राहत आहे. तिचा जन्म जरी परदेशातला असला तरी ती भारतीय संस्कृतीचा अभिमान आहे. बिग बॉसच्या घरात यावरून तिचे कौतुकही करण्यात आले होते.

सध्या सोशल मीडियावर 'परदेसी गर्ल'चा नवरात्री (Navratri 2024) डान्स व्हायरल होत आहे. इरिनाने नवरात्रोत्सवात 'बहरला हा मधुमास नवा' या गाण्यावर डान्स केला आहे. ती या गाण्यावर थिरकताना आणि ठुमके लगावताना दिसत आहे. इरिनाचे हावभाव चाहत्यांना घायाळ करत आहेत. तिने हा डान्स व्हिडीओ आपल्या सोशल मिडिया अकाऊंटवर चाहत्यांसाठी शेअर केला आहे. इरिना रुडाकोवा हिच्या डान्स व्हिडीओवर चाहत्यांकडून कमेंट्सचा वर्षाव होत आहे.

'बिग बॉस मराठी 5'च्या घरात इरिनाची वैभव चव्हाणसोबत छान मैत्री जमली. इरिना रुडाकोवा ही IPL ची चिअरगर्ल आणि मॉडेल आहे. ती भारतीय संस्कृती खूप फॉलो करते. यामुळे तिने महाराष्ट्राचे प्रेम जिंकले आहे. 'बिग बॉस मराठी' नंतर इरिनाने 'इंद्रायणी' या मालिकेत एन्ट्री घेतली. यंदा 'बिग बॉस मराठी 5'चा विजेता सूरज चव्हाण ठरला आहे. त्याच्यावर प्रेमाचा वर्षाव होत आहे. तर अभिजीत सावंतने उपविजेता पद भूषवलं आहे.