'बिग बॉस मराठी 5' (Bigg Boss Marathi 5) खूप गाजलं आहे. या पर्वाचा विजेता सूरज चव्हाण झाला आहे. बिग बॉसमुळे सूरजला खूप लोकप्रियता मिळाली आहे. या शोमध्ये अनेक स्पर्धक प्रसिद्धीझोतात आले.

दिवाळीच्या मुहूर्तावर अनेक कलाकार नवीन गोष्टी विकत घेत आहेत. काहींनी मुंबईत स्वतःचं हक्काच घर खरेदी केल आहे. तर काहींनी नवीन गाडी खरेदी केली आहे. दिवाळीत प्रत्येकाच्या घरी आनंदाचे वातावरण पाहायला मिळत आहे. अशात आता बिग बॉस मराठी फेम अभिनेता निखिल दामले (Nikhil Damle) याने देखील सोशल मीडियावर एक खास पोस्ट करून चाहत्यांचे लक्ष वेधून घेतलं आहे. निखिलाच्या घरी एक नवा सदस्यांची एन्ट्री झाली आहे. निखिलाने दिवाळीच्या शुभ मुहूर्तावर एक आलिशान कार खरेदी केली आहे.

मराठी अभिनेता निखिल दामले याने इंस्टाग्रामवर पोस्ट करून आपण नवीन गाडी घेतल्याची बातमी चाहत्यांसोबत शेअर केली आहे. निखिलने नव्या गाडीसोबतचा एक खास व्हिडीओ शेअर करून त्याला हटके कॅप्शन दिलं आहे. त्यांनी कॅप्शनमध्ये लिहिलं की, "नवीन सदस्याचं स्वागत आहे" निखिलच्या या पोस्टवर चाहत्यांनी कमेंटसचा वर्षाव केला आहे. तसेच अनेक कलाकार देखील त्याला शुभेच्छा देत आहेत. व्हिडीओमध्ये निखिलसोबत त्याचे कुटुंबीय दिसत आहे.

बिग बॉसमुळे निखिल दामलेला भरपूर लोकप्रियता मिळाली. तसेच निखिल अनेक मराठी मालिकांमध्ये काम केलं आहे. त्याने आपल्या अभिनयाने चाहत्यांच्या मनात घर केलं आहे.