'बिग बॉस मराठी 5' (Bigg Boss Marathi 5 ) खूप गाजले आहे. यंदा घरात अनेक नाती जुळली आहेत. घरातील सदस्य बिग बॉसनंतरही आपली घरात बनलेली नाती जपताना पाहायला मिळत आहेत. 'बिग बॉस मराठी 5'चा विजेता सूरज चव्हाण झाला आहे. बिग बॉसमुळे सूरजला खूप प्रसिद्धी मिळाली आहे. बिग बॉसनंतर घरातील अनेक सदस्य सूरजला भेटायला त्याची गावी बारामतीला गेले.

आता कोकण हार्टेड गर्ल म्हणजे अंकिता वालावलकरने (Ankita Walawalkar) सूरज चव्हाणची भेट घेतली आहे. अंकिताने सूरजला भेटण्यासाठी मोढवे गाव गाठलं आहे. अंकिता नुकतीच आपल्या गावी कोकणला जाऊन आली. बिग बॉसनंतर सूरजच्या वाढदिवसानिमित्त अंकिताने सूरजला कॉल केला होता. तेव्हा अंकिता फोनवर सूरजला तुला भेटायला येणार आहे असे बोली होती आणि आता अखेर सूरज आणि अंकिताची भेट झाली आहे.

अंकिताने याचा व्हिडीओ सोशल मीडियावर शेअर केला आहे. तिच्या या व्हिडीओवर अनेक लाइक्स आणि कमेंट्स येत आहेत. अंकिताने आपल्या होणाऱ्या नवऱ्यासोबत म्हणजे कुणाल भगतसोबत सूरजची भेट घेतली आहे. यांनी रानात बसून भाकरी अन् चटणीचा आस्वाद घेतला आहे. अंकिता आणि कुणालचे गावात दणक्यात स्वागत करण्यात आले. त्यांनी मंदिरात जाणून देवीचे आशीर्वाद देखील घेतले. तसेच सूरजने कुणालच्या गाण्याचे कौतुकही केले. बिग बॉसच्या घरामध्ये अंकिता आणि सूरजचा छान बॉन्डिंग पाहायला मिळाला. सूरजने महाराष्ट्राच्या मनावर राज्य केले आहे.