Bigg Boss Marathi 4: टेलिव्हिजनवर नेहमीच कार्यक्रमांमध्ये कोण अव्वल ठरणार? अशी रस्सीखेच स्पर्धा सुरु असते. पण त्यात एक कार्यक्रम नेहमीच टीआरपीमध्ये अव्वलस्थानी असतो तो म्हणजे बिग बॉस मराठी. बिग बॉस मराठी हा कार्यक्रम सुरु होऊन तब्बल ७० हून अधिक दिवस पूर्ण झाले आहेत.

कार्यक्रम सुरु झाल्यापासून ते आतापर्यंत नेहमीच या कार्यक्रमात भांडण नावाचा प्रकार सुरुच आहे. प्रत्येक आठवड्यात बिग बॉस काही तरी खतरनाक टास्क देत स्पर्धकांचे मनोरंजन करण्याचं काम बिग बॉसच्या घरात केले जाते.

बिग बॉसचे चौथे सिझन संपायला अवघे २१ दिवसच आता शिल्लक राहिले आहेत. एकूण स्पर्धक राहिलेत फक्त ८ . या आठवड्यात बिग बॉसच्या घरात २ एलिमिनेशन होणार आहेत. कालच्या चावडीवर अर्थात शनिवारी बिग बॉसच्या घरातून विकास सावंत हा स्पर्धक घराबाहेर पडला. बिग बॉसच्या ग्रॅंड फिनालेला अवघे २१ दिवसच शिल्लक राहिले आहेत.

सध्या बिग बॉसच्या घरात अपूर्वा नेमळेकर, अमृता देशमुख, अमृता धोंगडे, किरण माने, प्रकाश जवादे, अक्षय केळकर आणि गेल्या काही दिवसांपूर्वी वाईल्ड कार्डच्या रुपात खेळ बदलायला आलेले दोन स्पर्धक म्हणजे राखी सावंत आणि आरोह वेलणकर हे सदस्य आता उरले आहेत. या रविवारी कोणता दुसरा स्पर्धक घराबाहेर जाणार हे पाहणे महत्वाचे ठरणार आहे.

कालच्या चावडीवर विकास सावंत घराच्या बाहेर गेला असून आजच्या चावडीवर कोणता स्पर्धक घराच्या बाहेर जाणार हे पाहणे सर्वाधिक औत्सुक्याचे ठरणार आहे. विकास सावंत घराच्या बाहेर गेल्यानंतर घरातील सदस्यांच्या खेळाला आणखी एक नवे वळण मिळणार हे नक्की.