'बिग बॉस ओटीटी ३' कायमच कोणत्या ना कोणत्या कारणामुळे चर्चेत आहे. सर्वाधिक वादग्रस्त पण तितकाच चर्चेत राहिलेल्या या सीझनमध्ये एक मोठी गडबड झाली आहे. अरमान आणि विशाल पांडेच्या भांडणामुळे सध्या बिग बॉसचं घर चांगलंच चर्चेत आलं आहे. बिग बॉसच्या घरामध्ये, भलामोठा साप आला होता. या घटनेचा व्हिडिओ सध्या सोशल मीडियावर तुफान व्हायरल होत आहे. ही व्हिडिओपाहून सर्वच लोकं घाबरले आहेत.

'बिग बॉस ओटीटी ३'चं लाईव्ह स्ट्रीमिंग जिओ सिनेमावर सुरू आहे. या लाईव्ह स्ट्रिमिंग दरम्यानचा व्हिडिओ एक व्हिडिओ सध्या तुफान व्हायरल होत आहे. व्हिडिओमध्ये चक्क साप दिसल्यामुळे नेटकऱ्यांकडून घरातील स्पर्धकांच्या सुरक्षेचा प्रश्न उपस्थित केला जात आहे. लाईव्ह स्ट्रिमिंगमधील एक व्हिडिओ सध्या सोशल मीडियावर व्हायरल होत आहे. व्हिडिओमध्ये, टास्कनंतर लवकेश कटारियाला हात बांधून तिथे बसवलं होतं. तो जिथे बसला होता, त्याच्या पाठीमागूनच गवतावरून साप सरपटताना दिसत आहे.

आपल्या बाजूने साप गेला, याबद्दलचा लवकेशला जराही अंदाज आला नाही. त्याचं तोंड समोरच्या दिशेने असल्यामुळे त्याला साप दिसत नाही. जर चुकून तो साप लवकेशजवळ आला असता तर तो पळूनही जाऊ शकला नसता. कारण त्यावेळी लवकेश कटारिया याचे हातही बांधले होते. हा सर्व प्रकार पाहून लोक चांगलेच निर्मात्यांवर भडकल्याचे बघायला मिळतंय. कारण तो विषारी साप लवकेश कटारिया या चावला असता.

या प्रकारानंतर 'बिग बॉस ओटीटी ३' च्या निर्मात्यांनी साप घरात असल्याच्या दाव्याला नकार दिलाय. बिग बॉसच्या घरातील सापाचा व्हिडिओ व्हायरल झाल्यानंतर सर्वचजण हैराण झाले आहेत. यासर्व प्रकारानंतर नेटकऱ्यांनी निर्मात्यांवर जोरदार टीका केली आहे. या अगोदरही बिग बॉसच्या गार्डन परिसरात माकडे आणि वेगवेगळे पक्षी आल्याचे अनेकदा बघायला मिळाले आहे.