'बिग बॉस 19' च्या घरातून प्रणित मोरेची एक्झिट झाली आहे. ज्यामुळे चाहत्यांना मोठा धक्का बसला आहे. प्रणित मोरेला त्याच्या आजारपणामुळे बाहेर काढण्यात आले. तो लवकरच शोमध्ये पुन्हा येणार असल्याचे बोले जात आहे. प्रणित मोरेच्या एलिमिनेशननंतर आता नवीन आठवड्यात कोण घराबाहेर जाणार, हे पाहण्यासाठी प्रेक्षक उत्सुक आहेत.

'बिग बॉस 19'च्या घरात नुकताच नॉमिनेशन टास्क पार पडला आहे. या खेळात घरातील 5 सदस्य नॉमिनेट झाले आहेत. नॉमिनेशन टास्कमध्ये घरातील सदस्यांना जोडीने कन्फेशन रुममध्ये बोलवले जाते. त्यांना दोन स्पर्धकांची नावे देण्यात आली, ज्यापैकी एकाला त्यांना नॉमिनेट करायचे होते. पहिल्या फेरीत, फरहाना, मालती आणि अशनूर कन्फेशन रुममध्ये आले. त्यांना मृदुल किंवा अभिषेकपैकी एकाला नॉमिनेट करावे लागले. तेव्हा त्यांनी अभिषेकला नॉमिनेट केले. दुसऱ्या फेरीत मृदुल आणि अमाल कन्फेशन रुममध्ये आले. तेव्हा त्यांनी तान्याला सुरक्षित करून फरहाना भट्टला नॉमिनेट केले.

नॉमिनेट सदस्यांची नावे

• फरहाना भट्ट

• गौरव खन्ना

• नीलम गिरी

• अभिषेक बजाज

• अशनूर कौर

खेळाच्या तिसऱ्या फेरीत कुनिका सदानंद आणि नीलम गिरी यांना गौरव, अमाल आणि शाहबाज यांच्यापैकी एकाला नॉमिनेट करायचे होते. त्यांनी गौरवला नॉमिनेट केले. शेवटच्या चौथ्या फेरीत गौरव आणि अभिषेक यांनी मालतीला वाचवले आणि नीलमला नॉमिनेट केले. मीडिया रिपोर्टनुसार, या आठवड्यात नीलम गिरी किंवा अशनूर कौर शोमधून बाहेर पडू शकतात.