Bigg Boss 19 New Contestants: सलमान खानच्या 'बिग बॉस १९' या रिअॅलिटी टीव्ही शोची चाहते आतुरतेने वाट पाहत आहेत. या सीझनसाठी चाहत्यांना खूप वाट पाहावी लागली आहे, त्यामुळे निर्माते प्रेक्षकांसाठी कोणत्या नवीन गोष्टी घेऊन येत आहेत हे पाहणे मनोरंजक ठरेल. बिग बॉस १९ मध्ये कोणते सेलिब्रिटी स्पर्धक म्हणून दिसतील याबद्दल लोक अंदाज लावत आहेत आणि आता अशी बातमी आहे की सलमान खानची एक्स गर्लफ्रेंड युलिया वंतूर देखील या सीझनमध्ये दिसू शकते.

सलमानची एक्स गर्लफ्रेंड बिग बॉस १९ मध्ये असेल

बिग बॉसशी संबंधित बातम्या शेअर करणारे प्लॅटफॉर्म बिग बॉस खबरीने त्यांच्या एका पोस्टमध्ये सांगितले आहे की निर्मात्यांनी शोसाठी सलमान खानची एक्स गर्लफ्रेंड युलिया वंतूरशी संपर्क साधला आहे. पोस्टनुसार, युलियाशी यापूर्वी अनेक वेळा संपर्क साधला गेला आहे परंतु तिने नेहमीच शोमध्ये येण्यास नकार दिला आहे. पण यावेळी ती बिग बॉसच्या घरात स्पर्धक म्हणून दिसणार का? प्रेक्षकांना लवकरच या प्रश्नाचे उत्तर मिळेल.

कमेंट सेक्शनमध्ये ही नेटकऱ्यांची प्रतिक्रिया

एका फॉलोअरने कमेंट बॉक्समध्ये लिहिले, मग हा सीझन नक्की रेकॉर्ड मोडेल. दुसऱ्याने लिहिले, आशा आहे की यावेळी आपल्याला वीकेंडला जास्त भाषणे ऐकावी लागणार नाहीत. एका सोशल मीडिया वापरकर्त्याने लिहिले, जर ती येत असेल तर तीच जिंकेल. या पोस्टवर लोकांनी अशाच अनेक कमेंट केल्या आहेत.

बिग बॉस १९ मध्ये कोणते स्पर्धक दिसू शकतात याबद्दल, गौरव खन्ना, प्रिया रेड्डी, पारस कालनावत आणि लक्ष्य चौधरी यासारख्या सेलिब्रिटींची नावे समोर आली आहेत. बिग बॉस १९ कधी सुरु होणार याबद्दल अद्याप कोणती अपडेट समोर आली नसली तरी या सिझनच्या स्पर्धकांमुळे चाहते या शोची आतुरतेने वाट पाहत आहेत.