सध्या सर्वत्र 'बिग बॉस 18' ची (Bigg boss 18 ) चर्चा पाहायला मिळत आहे. दिवसेंदिवस बिग बॉसच्या घरात नवीन राडा होत आहे. बिग बॉसने शेअर केलेल्या व्हिडीओमध्ये तुम्ही पाहू शकता की,श्रुतिकाला (Shrutika) कन्फेशन रूमध्ये बोलवण्यात येते. बिग बॉसने तिला एका खास गोष्टीसाठी कन्फेशन रूमध्ये बोलावले असते. बिग बॉस विचारतात की, तुमच्या बँकॉकमध्ये असणाऱ्या नवऱ्याला काय निरोप द्यायचा आहे का? यावर श्रुतिका खूप मजेशीर उत्तर देते. ती बिग बॉसलाच तमिळमध्ये बोलण्यास सांगते.

श्रुतिका कन्फेशन रूमध्ये असताना तिच्या नवऱ्याने कॉल करत तिला थायलंडच्या ट्रीपमध्ये कंपनी द्यायला सांगितले. असे बिग बॉस म्हणतात. यावर श्रुतिका म्हणाली की, माझी बारा वर्षांची ट्रेनिंग आहे. दोन आठवड्यात जाणार नाही. मी परत आल्याशिवाय शहर सोडून जायचं नाही असे ती बिग बॉसला तमिळमध्ये आपल्या नवऱ्याला निरोप द्यायला सांगते.

बिग बॉस स्वतः श्रुतिकाच्या मागून तमिळमध्ये बोलताना दिसत आहे. यापुढे श्रुतिका बिग बॉसला म्हणते की, बँकॉकमध्ये सँडविच मसाज बॉडी मसाज सगळं मिळते. खूप स्वस्त मिळतात. तिथे एकटे जाऊ शकत नाही. म्हणून आपल्या नवऱ्याला ती खास निरोप द्यायला सांगते.

बिग बॉसच्या घरात छोट्या छोट्या कारणांमुळे भांडण होताना पाहायला मिळत आहे. 'बिग बॉस 18' च्या तिसऱ्या आठवड्यात विवियन डीसेना, अविनाश मिश्रा , मुस्कान बामणे, रजत दलाल आणि नायरा बॅनर्जी हे सदस्य नॉमिनेट झाले आहेत. आता यांपैकी कोण बिग बॉसचे घर सोडणार हे पाहणे मनोरंजक ठरणार आहे.