टॉलिवूड अभिनेत्री समांथा रुथ प्रभू (Samantha Ruth Prabhu) नेहमीच तिच्या व्यक्तीच्या आयुष्यामुळे चर्चेत राहीली आहे. मात्र तिने आपल्या दमदार अभिनयाने प्रेक्षकांच्या मनावर राज्य केलं आहे. तिच्या जीवनात ती कायमच सकारात्मक राहीली आहे. नुकतीच समांथाने इन्स्टाग्रामवर एक खास पोस्ट शेअर केली आहे. या पोस्टने सर्वांचे लक्ष वेधून घेतलं आहे.

दाक्षिणात्य सुपरस्टार अभिनेत्री समांथा रुथ प्रभूने इन्स्टाग्राम हे खास प्रेरणादायी कविता पोस्ट केली आहे. तिच्या या पोस्टवर चाहते भरभरून कमेंट्स करत आहेत. तसेच अनेक सेलिब्रिटी देखील आपल्या प्रतिक्रिया समांथाला देत आहेत. समांथाने लेखक रुडयार्ड किपलिंग यांची एक कविता पोस्ट केली आहे. ज्याला तिने खूप खास कॅप्शन दिलं आहे. तिने लिहिलं की, "ही कविता माझ्यासाठी नेहमीच मार्गदर्शक ठरली आहे आणि मला ती आज तुमच्यासोबत शेअर करायची होती."

समांथाने शेअर केलेल्या कवितेच्या पोस्टवर बॉलिवूड अभिनेता अर्जुन कपूरने (Arjun Kapoor) एक खास कमेंट केली आहे. त्याने कमेंटमध्ये लिहिलं की, "माझ्या घराच्या भिंतीवर या कवितेची प्रिंट आहे...जेव्हा मला आयुष्यात प्रेरणा आवश्यक असते तेव्हा मला खरोखर या कवितेची मदत होते."

समांथा रुथ प्रभू नुकतीच वरुण धवनसोबत 'सिटाडेल: हनी बनी' या सिरीजमध्ये झळकली आहे. तर अर्जुन कपूर 'सिंघम अगेन'मध्ये खलनायकाच्या भूमिकेत पाहायला मिळत आहे. समांथा रुथ प्रभूचा २०२१ मध्ये नागा चैतन्यबरोबर घटस्फोट झाला. आता नागा चैतन्य शोभिता धुलिपालासोबत लग्नगाठ बांधणार आहे.