लोकप्रिय गायक अरिजीत सिंगला कोणत्याही ओळखीची गरज नाही. त्याची फक्त भारतातच नाही तर जगभरात तगडी फॅन फॉलोइंग आहे. जगभरात त्याचे चाहते असल्यामुळे त्याचे परदेशातही म्युझिक कॉन्सर्ट होत असतात. त्याचा नुकताच ब्रिटनमध्ये म्युझिक कॉन्सर्ट होता. पण अरजितचा हा म्युझिक कॉन्सर्ट रद्द झाला आहे. अरजित सिंगने इन्स्टाग्रामवर एक पोस्ट शेअर करत म्युझिक कॉन्सर्ट रद्द करण्याचे कारण सांगितले आहे.

अरिजीत सिंगचा ब्रिटनमध्ये एक म्युझिक कॉन्सर्ट होणार होता. पण तो रद्द झाला आहे. अरिजितने म्युझिक कॉन्सर्ट रद्द होण्याचे कारण पोस्ट शेअर करत सांगितले. पोस्टमध्ये अरिजीत सिंग म्हणतो, "चाहत्यांनो मला सांगताना अत्यंत दु:ख वाटत आहे की, काही कारणास्तव मला वैद्यकीय उपचारांची गरज असल्यामुळे ऑगस्टमध्ये होणारा कॉन्सर्ट पुढे ढकलला जात आहे. मला माहित आहे की तुम्ही या कॉन्सर्टची आतुरतेने वाट पाहत होते. शो पुढे ढकलल्याबद्दल मी मनापासून माफी मागतो. तुमचे प्रेम आणि पाठिंबा सदैव माझ्या पाठीशी राहू देत."

शिवाय त्याने पुढे ढकलेले शो केव्हा होणार ? याचीही माहिती दिली आहे. लंडन १५ सप्टेंबर, बर्मिंगहॅम १६ सप्टेंबर, रॉटरडॅम १९ सप्टेंबर, मँचेस्टर २२ सप्टेंबरला अरिजीतचे म्युझिक कॉन्सर्ट होणार आहेत. अरिजितला नेमकं काय झाले? याबद्दलची माहिती काही मिळालेली नाही. अरिजीतची पोस्ट पाहून चाहत्यांनी त्याला लवकरात लवकर बरे होण्यास सांगितले आहे. अरिजित सिंह बॉलिवूडमध्ये सर्वात महागड्या गायकांपैकी एक आहे. गेले अनेक वर्षे ते चित्रपटसृष्टीवर राज्य करत आहेत.