'बिग बॉस मराठी'च्या (Bigg Boss Marathi ) घरात सध्या प्रत्येक एपिसोडला नवा धक्का मिळत आहे. संग्रामच्या घराबाहेर गेल्यानंतर अनेकांना असे वाटले होती की, या आठवड्यात कोणतही एलिमिनेशन होणार नाही. पण कालच आठवड्याच एलिमिनेशन करण्यात आले. काल बिग बॉसच्या घरातून अरबाज पटेलने एक्झिट झाली आहे. अरबाजच्या जाण्याने निक्की खूप भावुक झाली आहे. जनतेने खूप कमी मतं देऊन अरबाजला घराबाहेर काढलं आहे.

बिग बॉसच्या घरात 'शिकाऱ्याची बंदूक' या कार्यात निक्की, जान्हवी, अरबाज (Arbaz Patel) , वर्षा ताई आणि सूरज हे ,सदस्य नॉमिनेट झाले होते. अरबाजच्या जाण्यामुळे निक्कीला (Nikki Tamboli) मोठा धक्का मिळाला आहे. निक्की ढसाढसा रडू लागते.

'बिग बॉस मराठी' च्या घरात पहिल्यांदाच कॅप्टन झालेला सदस्याला घर सोडून जावे लागले आहे. अरबाज या आठवड्याचा कॅप्टन झाला होता. आता घराचा नवा कॅप्टन कोण होणार? याकडे सर्वांचे लक्ष लागून राहीले आहे. तसेच अरबाज बाहेर गेल्यावर निक्कीच काय होणार? तिचा नवा गेम प्लान काय असणार? हे पाहणे मनोरंजक ठरणार आहे.

बिग बॉसच्या घरातून बाहेर पडल्यावर अरबाजने पहिली पोस्ट केली आहे, यात त्यांनी निक्कीसोबतचे भावनिक झालेले फोटो शेअर केले आहे. अरबाजच्या जाण्याने निक्की कशी हादरली आहे. हे या फोटोंमधून समजत आहे. त्यांनी कॅप्शनमध्ये 'हार्टब्रेक'चा इमोजी टाकला आहे. यावर अनेक कमेंट्स येत आहे. बहुतेक प्रेक्षक अरबाजच्या घराबाहेच जाण्यामुळे खूश झाले आहेत.