Kavya Maran Marriage Photos : लोकप्रिय संगीतकार अनिरुद्ध रविचंदर आणि सनरायझर्स हैदराबादची मालकीण काव्या मारन हे अखेर विवाह बंधनात अडकले आहेत. मागील काही महिन्यांपासून काव्या मारण आणि अनिरूद्ध यांच्या अफेअरच्या चर्चा सुरू होत्या. दोघांनी ग्रीसच्या रमणीय वातावरणात लग्नाचे सात फेरे घेतले. अगदी मोजक्या आणि खास पाहुण्यांच्या उपस्थितीत पार पडलेल्या या फेरीत या जोडप्याने आपल्या प्रेमाची नवी सुरुवात केली. त्यांच्या या शाही लग्नातील रोमँटिक फोटो समोर आले आहेत.

अनिरुद्ध रविचंद्रनने त्याची पत्नी काव्या मारनसोबतचा लग्नाचा फोटो इंस्टाग्रामवर शेअर केला आहे. सोशल मीडियावर समोर आलेल्या या सोहळ्यातील पहिल्या फोटोमध्ये नवविवाहित जोडपे हस्तिदंती रंगाच्या पारंपरिक पोशाखात दिसत आहेत. पांढऱ्या फुलांनी सजवलेल्या ठिकाणी ते एकमेकांचा हात धरून उभे आहेत. अनिरुद्ध आणि काव्या यांचा शाही लूक चर्चेचा विषय आहे.

अनिरुद्ध रविचंद्रनने हार्ट इमोजीसह खास मेसेज लिहिला आहे. त्याने पोस्टमध्ये म्हटले की, "माझ्या आयुष्यात एकदाच आलेली. आता आयुष्यभरासाठी....११.११." सन पिक्चर्सने देखील X रोजी त्यांच्या लग्नातील एक फोटो शेअर करून अनिरुद्ध आणि काव्याचे अभिनंदन केले.

अनिरुद्ध रविचंद्रन आणि काव्या मारन यांच्या शाही विवाहसोहळ्याची सुरुवात १० नोव्हेंबर रोजी ग्रीसमध्ये पारंपरिक साखरपुड्याच्या कार्यक्रमाने झाली. या कार्यक्रमाला जवळचे कुटुंबीय, सुपरस्टार रजनीकांत, ऐश्वर्या राय बच्चन, तामिळनाडूचे माजी मुख्यमंत्री एम. के. स्टॅलिन आणि उदयनिधी स्टॅलिन यांच्यासह काही विशेष पाहुणे उपस्थित होते.

ग्रीसमध्ये विवाह झाल्यानंतर अनिरुद्ध आणि काव्या २१ नोव्हेंबर रोजी चेन्नईमध्ये एका भव्य स्वागत समारंभाचे आयोजन करणार आहेत. तेलंगणाच्या मुख्यमंत्र्यांच्या कार्यालयाने प्रसिद्ध केलेल्या एका पोस्टमध्ये या तारखेची पुष्टी करण्यात आली आहे. काव्याचे आई-वडील, कलानिधी मारन आणि कावेरी मारन यांनी यापूर्वी मुख्यमंत्री ए. रेवंत रेड्डी यांची भेट घेऊन त्यांना या सोहळ्याला उपस्थित राहण्याचे निमंत्रण दिले होते. अनिरुद्ध आणि काव्याच्या स्वागत समारंभाला भारतीय चित्रपटसृष्टी, राजकारण, उद्योग आणि क्रिकेट क्षेत्रातील अनेक प्रमुख व्यक्ती उपस्थित राहण्याची शक्यता आहे.

'व्हाय धिस कोलावेरी डी' या गाण्यामुळे राष्ट्रीय स्तरावर प्रसिद्धी मिळवलेल्या आणि 'जेलर', 'विक्रम', 'लिओ' व 'जवान' यांसारख्या ब्लॉकबस्टर चित्रपटांसाठी सुपरहिट गाणी संगीतबद्ध केली. अनिरुद्ध रविचंद्रन यांनी 'जेलर २' साठी एक दमदार गाणेही गायले आहे. काव्या मारन या सन टीव्ही नेटवर्कचे कार्यकारी संचालक आणि सन ग्रुपचे अध्यक्ष कलानिधी मारन यांच्या कन्या आहेत.