Amruta Khanvilkar: फॅशन असो वा अभिनय नेहमीच चर्चेत असलेली अभिनेत्री अमृता खानविलकर हिने पुन्हा एकदा प्रेक्षकांना एक खास सरप्राईज दिलं ! व्हेलेंटाईन दिवसाचं हे खास गिफ्ट तिने तिच्या प्रेक्षकांना दिलं अस म्हणायला हरकत नाही. 2025 वर्षात अमृता अनेक बॉलिवूड आणि मराठी चित्रपटाचा भाग होण्याचा चर्चा आहे. तरी आता अमृता बहुचर्चित "सुशीला- सुजीत " काय करणार ? याचं उत्तर अजून कोड्यात आहे.

अमृताच्या हल्लीचं केलेल्या पोस्ट ने सगळ्या चाहत्या लक्ष वेधून घेतलं आहे. पण, "सुशीला- सुजीत" या चित्रपटात अमृता कोणती भूमिका साकारणार ? अमृता नक्की सुशीला - सुजीत मध्ये काय करतेय? असे अनेक प्रश्न प्रेक्षकांना पडले आहेत.

अमृताने सोशल मीडिया वर पोस्ट शेयर केली असून तिने या पोस्टला एक सस्पेन्स कॅप्शन देखील दिलं आहे " स्वप्नील आहे सुजीत, सोनाली आहे सुशीला आता मधेच अमृता ? " ही नेमकी कोणाच्या वशिला लागून चित्रपटात आली ? आता हे प्रकरण नक्की काय हे बघण उत्सुकतेच ठरणार आहे !

अमृताच्या कामाबद्दल बोलायचं झाल्यास, नुकतीच ती ‘संगीत मानापमान’ चित्रपटातील ‘वंदन हो’ या गाण्यात दिसली. ज्ञानेश भालेकर दिग्दर्शित ‘गोलमाल’ या चित्रपटातून तिनं मराठी चित्रपटसृष्टीमध्ये पहिलं पाऊल ठेवलं.