Amitabh Bachchan Post: बॉलिवूडचे महानायक अमिताभ बच्चन हे सोशल मीडियावर नेहमीच सक्रिय असतात. मात्र नुकतीच त्यांनी केलेली एक रहस्यमय पोस्ट सोशल मीडियावर चर्चेचा विषय ठरली आहे. "मी जातोय... वेळ आली आहे..." असा संदेश त्यांनी त्यांच्या ब्लॉगमध्ये लिहिल्याने त्यांच्या चाहत्यांमध्ये चिंता आणि कुतूहल निर्माण झालं आहे.

या पोस्टमध्ये त्यांनी अगदी थोडक्यात, "I am going… it’s time to go…" असे लिहिले आणि चाहत्यांना मोठं आश्चर्याचा धक्का दिला. अमिताभ बच्चन यांनी कोणत्याही विशिष्ट गोष्टीचा उल्लेख केलेला नसल्याने, ही पोस्ट त्यांच्या निवृत्तीबाबत आहे की आरोग्याच्या कारणामुळे आहे, हे स्पष्ट झालेलं नाही. त्यामुळे चाहत्यांमध्ये विविध तर्कवितर्क सुरू झाले आहेत.

सोशल मीडियावर अनेकांनी त्यांना काळजी घेण्याचा सल्ला दिला असून, काहींनी भावनिक प्रतिक्रिया देत "कृपया तुम्ही असंच आमच्यासोबत राहा" अशी विनंतीही केली आहे. काही चाहत्यांनी अंदाज बांधला की कदाचित त्यांनी एखाद्या प्रोजेक्टमधून बाहेर पडण्याचा निर्णय घेतला असावा. परंतु यावर अधिकृत स्पष्टीकरण आलेले नाही.

अमिताभ बच्चन सध्या काही नव्या चित्रपटांमध्ये काम करत आहेत आणि 'कौन बनेगा करोड़पती' या लोकप्रिय कार्यक्रमाच्या नव्या सिझनचीही तयारी करत आहे. त्यामुळे त्यांनी टाकलेली ही पोस्ट नक्की कशाबद्दल आहे असा प्रश्न चाहत्यांना पडला आहे. तरीही त्यांच्या पुढील स्पष्टीकरणाची सर्वजण आतुरतेने वाट पाहत आहेत.