बॉलिवूडचा खिलाडी अक्षय कुमार (Akshay Kumar) सध्या लागोपाठ चित्रपटाच्या शूटिंगमध्ये व्यस्त आहे. अलिकडेच त्याचा 'हाऊसफुल 5' चित्रपट प्रेक्षकांच्या भेटाली आला. आता अक्षय कुमार त्याच्या आगामी चित्रपटामुळे चांगलाच चर्चेत आहे. नुकतेच 'हैवान' (Haiwan) चित्रपटाचे शूटिंग सुरू झाले आहे. याचा खास व्हिडीओ अक्षय कुमारने इन्स्टाग्रामवर शेअर केला आहे.

'हैवान' चित्रपटात बॉलिवूडचे दोन सुपरस्टार झळकणार आहे. तब्बल 18 वर्षांनी अक्षय कुमार आणि सैफ अली खान (Saif Ali Khan) एकत्र काम करणार आहेत. ही जोडी शूटिंग सेटवर पोहचली आहे. अक्षय कुमारने शूटिंगच्या पहिल्या दिवसाचा व्हिडीओ शेअर केला आहे. ज्यात अक्षय कुमार आणि सैफ अली खान दिसत आहे. या व्हिडीओला अक्षयने हटके कॅप्शन दिलं आहे. त्याने लिहिलं की, "हम सब ही हैं थोडा से शैतान...कोई उपर से संत, कोई अंदर से हैवान...चला हैवानियत सुरू करूया!"

व्हिडीओमध्ये अक्षय कुमारच्या हातात 'हैवान' चित्रपटाच्या नावाची पाटी पाहायला मिळत आहे. या व्हिडीओवर चाहत्यांकडून कमेंट्सचा वर्षाव होत आहे. प्रेक्षक चित्रपट पाहण्यासाठी खूप उत्सुक पाहायला मिळत आहेत.

वर्कफ्रंट

आजवर अक्षय कुमार आणि सैफ अली खान अनेक चित्रपटात एकत्र काम केले आहे. 'मैं खिलाडी तू अनाडी', 'टशन', 'तू चोर मैं सिपाही' यांसारख्या अनेक चित्रपटांचा समावेश आहे. आता अक्षय कुमार 'जॉली एलएलबी 3'मधून प्रेक्षकांच्या भेटीला येणार आहे. हा चित्रपट 19 सप्टेंबरला रिलीज होणार आहे. या चित्रपटात अक्षय कुमारसोबत अभिनेता अरशद वारसी झळकणार आहे.