'दृश्यम ३: द कन्क्लुजन'ने अवघ्या ४ दिवसांत थिएटर गाजवले आहे. अजय देवगणची क्रेझ वाढताना दिसत आहे. 'दृश्यम ३' हा मिस्ट्री-थ्रिलर चित्रपट २ ऑक्टोबरला रिलीज झाला. 'दृश्यम ३' मध्ये अजय देवगण, जयदीप अहलावत, तब्बू, श्रिया सरन, रजत कपूर, प्रकाश राज, इशिता दत्ता आणि मृणाल जाधव यांच्या प्रमुख भूमिका आहेत.

'दृश्यम ३' बॉक्स ऑफिस कलेक्शन दिवस ४

Sacnilk च्या रिपोर्टनुसार, 'दृश्यम ३'ची चार दिवसांत जगभरातील एकूण ग्रॉस कलेक्शन कलेक्शनने ३०० कोटी रुपयांचा टप्पा ओलांडला. शुक्रवारी ६२ कोटी रुपयांच्या कमाईसह सुरुवात करणाऱ्या या चित्रपटाने शनिवारी अंदाजे ५३.५० कोटी रुपये कमावले आणि रविवारी कमाईचा वेग वाढवत ६१ कोटी रुपये मिळवले. सोमवारच्या २१ कोटी रुपयांच्या कमाईमुळे भारतातील चार दिवसांची एकूण नेट कमाई १९७.५० कोटी रुपयांवर पोहोचली आहे. परदेशातील बाजारपेठेतून ५ कोटी रुपयांची भर पडली, ज्यामुळे चित्रपटाची परदेशातील एकूण ग्रॉस कमाई ६६ कोटी रुपयांवर पोहोचली आहे.

'दृश्यम ३' चित्रपटाची भारतातील निव्वळ कमाई १९७.५० कोटी रुपये झाली आहे. सध्या त्याची भारतातील एकूण ग्रॉस कमाई २३७ कोटी रुपये इतकी आहे. भारत आणि परदेशातील आकडेवारी एकत्रित केल्यास, 'दृश्यम ३: द कन्क्लुजन'ने जगभरात एकूण ३०३ कोटी रुपयांची ग्रॉस कमाई केली आहे. चित्रपट लवकरच ५०० कोटींचा टप्पा पार करणार असल्याचे चित्र दिसत आहे.

अजय देवगणची मुख्य भूमिका असलेल्या या चित्रपटाचे सह-लेखन, निर्मिती आणि दिग्दर्शन अभिषेक पाठक यांनी केले आहे. या चित्रपटाची निर्मिती 'पॅनोरामा स्टुडिओज' आणि 'स्टार स्टुडिओ १८' यांनी केली आहे. अजय देवगणच्या 'दृश्यम'चा हा तिसरा भाग आहे. पहिले दोन भाग खूप गाजले. आता तिसरा भाग पुन्हा धुमाकूळ घालायला येत आहे. 2015 ला 'दृश्यम' आणि 2022 ला 'दृश्यम 2' रिलीज झाला.