Shah Rukh Khan: गेल्या अनेक दिवसांपासून 'पठान' या चित्रपटाने बॉक्स ऑफिसवर चांगलाच धुमाकूळ घातला आहे. चित्रपटाची चर्चा सुरु झाल्यापासून शाहरुखने माध्यमांशी संपर्क साधला नव्हता. चित्रपटाला मिळालेल्या घवघवीत यशानंतर अखेर शाहरुख माध्यमांसोबत आला आहे.

शाहरुख माध्यमांसोबत संपर्क साधताना बोलला की, "माझा अखेरचा चित्रपट झिरो होता. त्यानंतर डायरेक्ट लॉकडाऊनचाच सामना करावा लागला होता. त्यावेळी मला अनेकदा नेटकरी म्हणाले होते, तुझा आता चित्रपट चालत नसून तु आता अभिनय करण्याचे सोडून नवा बिझनेस सुरु कर."

"तर त्यावेळी मी स्वयंपाक बनवायला शिकलो. हा स्वयंपाक मला चित्रपटाच्या शूटिंगवेळी खरंच खूप कामी आला. चित्रपटाच्या शूटिंगवेळी मी सर्वांनाच वेगवेगळे पदार्थ बनवून खायला दिले. मी पिझ्झासोबत अनेक पदार्थ बनवुन सर्वांना खायला घातले."

सोबतच पुढे शाहरुख म्हणतो, "चित्रपटाविषयी बोलायचे झाले तर, मी आणि दीपिका अनेक चित्रपटात एकत्र काम केले आहे. त्यामुळे या चित्रपटात मला तिच्यासोबत चित्रपटात काम करताना फारच मज्जा आली. जॉनबद्दल बोलायचे झाले तर, मी आणि जॉनने कधीच एकत्र काम केले नव्हते. त्यामुळे त्याच्यासोबत काम करण्याची गंमत एक वेगळीच होती."

"जॉन आणि मी अनेक थरारक स्टंट्सचा प्रयत्न केला होता. त्यामुळे मला त्याच्यासोबत काम करताना खुपच मज्जा आली. चित्रपटाला प्रेक्षकांनी उत्तम प्रतिसाद दिला आहे. हा प्रतिसाद मला पुढील काम करण्यासाठी फारच उर्जा देऊन जातो. मी थिएटरमधील अनेक व्हायरल व्हिडिओ पाहिल्या. त्या पाहून मला गहिवरुन आले."