Aditya Chopra Ready For Tiger 3: 'पठान' चित्रपटाने बॉक्स ऑफिसवर धुमाकूळ घातला होता. या चित्रपटाने देशातच नाहीत तर जगभरात तुफान कमाई केली. 'पठान' बॉलिवूडमधील सर्वात जास्त कमाई करणारा चित्रपट ठरला आहे. 'पठान' चित्रपटातील सलमान खानचा कॅमिओ सीन चांगलाच गाजला होता. जेव्हा दोन्ही स्टार मोठ्या पडद्यावर एकत्र दिसले तेव्हा थिएटरमध्ये फक्चत शिट्ट्यांचा आवाज होता.

सिद्धार्थ आनंद यांनी 'पठान' चित्रपटाचे दिग्दर्शिन केले. आता सिद्धार्थ आनंद यांच्या 'टायगर 3' या चित्रपटात प्रेक्षकांना हे दोन स्टार एकत्र पाहायला मिळणार आहेत. रिपोर्ट्सनुसार, सलमान-शाहरुख या चित्रपटाच्या स्पेशल सीक्वेन्सचे शूटिंग 8 मे पासून सुरू होणार आहे. यासाठी निर्माते पाण्यासारखा पैसेही खर्च करत आहेत. (Latest Entertainment News)

सलमान खानच्या 'टायगर 3'मधला त्याचा आणि शाहरुख खानचा स्पेशल सिक्वेन्स हा चित्रपटाचा जीव आहे. निर्मात्यांनाही हे चांगलेच उमगले आहे. त्यामुळेच या सीनसाठी ते जोरदार तयारी करत आहेत आणि त्याचे बजेटही धमदार ठेवण्यात आले आहे.

मीडिया रिपोर्ट्सनुसार, प्रेक्षकांना या सीनमध्ये शाहरुख आणि सलमान खानचा अॅक्शन पाहायला मिळणार आहे. आदित्य चोप्रा यासाठी जवळपास 35 कोटी रुपये खर्च करत आहेत. शाहरुख खान आणि सलमान खान जेव्हा एकाच फ्रेममध्ये असतात, तेव्हा प्रेक्षकांसाठी तो एक मनोरंजक अनुभव असतो. 'पठान'मध्येही असेच काहीसे घडले आणि या चित्रपटाला भरगोस यश मिळाल्यानंतर आता आदित्य चोप्रा 'टायगर 3'ला नेक्स्ट लेवलवर नेण्यासाठी सज्ज झाले आहेत.

चित्रपटाच्या जवळच्या सूत्रांनी दिलेल्या माहितीनुसार, 'टायगर 3' मधील दोन्ही खान सुपरस्टारच्या अॅक्शन सीक्वेन्ससाठी निर्माते 35 कोटी रुपये खर्च करत आहेत. 'टायगर 3' हा यशराज फिल्म्सच्या स्पाय युनिव्हर्सचा पाचवा भाग आहे. यंदाच्या दिवाळीच्या मुहूर्तावर हा चित्रपट प्रदर्शित होणार आहे.