Adil Durrani Files Rs 200 crore Defamation Case Against Rakhi Sawant

बॉलिवूडची ड्रामा क्विन राखी सावंत पुन्हा एकदा सोशल मीडियावर चर्चेत आली आहे. राखीचा पती आदिल खानची गेल्या काही दिवसांपूर्वी तुरुंगातून सुटका झाली. त्याची सुटका होताच, त्याने राखीवर आरोप केलेत. सध्या त्याने केलेल्या आरोपांची सर्वत्र जोरदार चर्चा होते. नुकतीच राखी उमराह करण्यासाठी मक्काला गेली होती. भारतात परतताच तिने पुन्हा आदिलवर काही आरोप केले होते. त्यानंतर आदिल खानने राखी विरोधात २०० कोटी रुपयांचा मानहानीचा खटला दाखल केला आहे.

दोघांमधील वाद काही कमी होण्याचं नाव घेत नाही. आदिल खानने राखी विरोधात २०० कोटी रुपयांचा मानहानीचा खटला दाखल केला आहे. राखी आणि आदिल खान दुर्रानी यांच्यातील वाद काही कमी होण्याचं नाव घेत नाही. सध्या सोशल मीडियावर आदिल खान दुर्रानीने राखी सावंतवर काही आरोप करत असल्याचा व्हिडीओ तुफान व्हायरल होत आहे. त्या व्हिडीओत आदिल राखीवर मानहानीचा आरोप करत असल्याचे दिसून येत आहे. पण आदिलने राखीवर तब्बल २०० कोटी रुपयांचा खटला दाखल केला आहे.

जेव्हा आदिल राखी विरोधात खटला दाखल करण्यासाठी न्यायालयात पोहोचला, त्यावेळी राखीवर कोणती केस दाखल केली? असा प्रश्न विचारला त्यावर त्याने उत्तर दिले की, मी राखीविरुद्ध मानहानीचा खटला दाखल करण्यासाठी आलो आहे. जर राखी माझ्यावर खोटे आरोप करून १०० कोटींचा मानहानीचा खटला दाखल करू शकते. तर आता तिच्यावरही मी असे नक्कीच गुन्हे दाखल करू शकेल. यावेळी, आदिलसोबत त्याचा वकील देखील उपस्थित होता, त्यावेळी आदिलच्या वकीलांनी राखीवर कोणकोणते कलम लावले आहेत, याची माहिती दिली.

सर्व कायदेशीर बाबींबद्दल आदिलच्या वकिलाने सांगितले की, “आम्ही राखी सावंतविरुद्ध कलम २०० सीआरपीसी कायद्यांतर्गत मानहानीचा खटला दाखल केला आहे. आता या प्रकरणावर राखीची कोणतीही प्रतिक्रिया आलेली नाही. राखी या प्रकरणात कोणतं पाऊल उचलणार ? हे पाहणं औत्सुक्याचे ठरणार आहे.