विकी कौशल आणि कतरिना कैफ हे बॉलिवूडमधील फेमस कपलपैकी एक आहे. या कपलची कायमच सोशल मीडियावर चर्चा होत असते. सध्या हे कपल लंडनमध्ये सुट्ट्यांचा आनंद लुटत आहे. अशातच या कपलचा लंडनमधील एक व्हिडीओ तुफान व्हायरल होत आहे. या व्हिडीओमुळे कतरिना प्रेग्नेंट असल्याच्या चर्चा रंगल्या आहेत. खरंतर कतरिनाने गेल्या अनेक दिवसांपासून प्रेग्नंट असल्याची बातमी लपवून ठेवली आहे. अशातच तिच्या ह्या लंडनमधील व्हिडीओने ती प्रेग्नेंट असल्याच्या चर्चांना उधाण आहे आहे.

विकी- कतरिनाचा हा नवा व्हिडीओ एका पापाराझीने इन्स्टाग्रामवर शेअर केलेला आहे. त्या व्हिडीओमध्ये, विकी आणि कतरिना एकमेकांच्या हातात हात घालून फिरताना दिसत आहे. पुढे ते रस्ता ओलांडताना दिसत आहेत. रस्ता ओलांडत असताना कतरिनाचं लक्ष एका पापाराझीकडे जातं. ते पाहून तिने विकीचा हात मागे खेचला आणि पुन्हा ते मागे फिरतात. सध्या व्हिडीओवरील नेटकऱ्यांच्या कमेंट्स सोशल मीडियावर तुफान व्हायरल होत आहेत.

व्हिडिओ पाहून नेटकरी पापाराझींवर चांगलेच भडकले आहेत. नेटकऱ्यांनी पापाराझींना चांगलंच झापलं आहे. "पापाराझींनी सेलिब्रिटींचं गुपचूप व्हिडीओ शुटिंग करणं थांबवावं.", "कतरिना पूर्वी पासून प्रायव्हेट पर्सन आहे, तुम्ही तिला का त्रास आहे.", "सेलिब्रिटीज पब्लिक प्रॉपर्टी नाही.", "सेलिब्रिटीज असले तरीही त्यांच्या इमोशनचा आदर करावा." अशा अनेक वेगवेगळ्या कमेंट्स नेटकऱ्यांनी केलेल्या आहेत.

सध्या सोशल मीडियावर व्हायरल होत असलेली व्हिडीओपाहून नेटकऱ्यांना कतरिना प्रग्नेंट असल्याचे वाटत आहे. कतरिना आणि विकीच्या जवळच्या नातेवाईकाने दिलेल्या माहितीनुसार, कतरिना लंडनमध्येच बाळाला जन्म देणार असल्याची शक्यता आहे. गेल्या काही दिवसांपूर्वी तिचा एक लंडनमधील व्हिडीओ व्हायरल होत आहे. या व्हायरल व्हिडीओपासून तिच्या प्रग्नेंसीची चर्चा होत आहे. अद्याप विकी- कतरिनाने प्रग्नेंसीबद्दल कोणतेही भाष्य केलेले नाही. त्यांच्या टीमने या निव्वळ अफवा असल्याच्या चर्चा सांगितले आहे.