लॉस एंजिल्समध्ये कश्मीरा शाहचा अपघात झाला आहे. सोशल मीडियाच्या माध्यमातून कश्मीराने माहिती दिली आहे. तिने गंभीर अपघातातून बचावल्यानंतर देवाचे आभार देखील मानले आहे. सोशल मीडियावर आता कश्मीराचे चाहते चिंतेत पडले आहेत. कश्मीरा शाहचा अपघात नेमका कसा झाला आहे याबद्दलची माहिती अद्याप कळली नाही.

नुकतंच कश्मीराने सोशल मीडियावर तिचा गंभीर अपघात झाल्याची माहिती दिली आहे. संपूर्ण रक्तबंबाळ झालेले कपड्याचे फोटो तिने शेअर केले आहेत. यावरून हा अपघात किती मोठा झाला आहे हे लक्षात येते. सोशल मीडियावर सेलिब्रिटीसह चाहते तिच्या तब्येतीची विचारपूस करत आहे.

अपघाताचे फोटो शेअर करताना कश्मीराने म्हटलं आहे की,'मला वाचवण्यासाठी परमेश्वर तुझे आभार. खूप भयानक घटना होती. काही तरी मोठं होणार होतं पण थोडक्यात बचावलं आहे. अपेक्षा आहे की, जखमांचे व्रण राहणार नाहीत. प्रत्येक क्षण आनंदाने जगा. परत येण्याची प्रतिक्षा केली जाऊ शकत नाही. असं म्हटलं आहे. पुढे तिने, आज मला माझी फॅमिलीची खूप आठवण येत आहे. कृष्णा अभिषेक सोबत तिने दोन्ही मुलांची तिला खूप आठवण येत असल्याचं तिनं म्हटलं आहे.

काही दिवसांपूर्वीच कश्मीरा पती कृष्णा अभिषेक आणि दोन्ही मुलांसह संपूर्ण परिवारासह लॉस एंजेलिस शहरामध्ये होती. नंतर ७ नोव्हेंबरला कृष्णा मुलांना घेऊन मुंबईत आला. कश्मिरा कामानिमित्त आली नव्हती. अशातच आता कश्मीराचा अपघात झाला आहे. कश्मिराने ही माहिती दिल्याने सर्वांनाच धक्का बसला आहे.