श्रीकांत बोला यांचा जीवनप्रवास ‘श्रीकांत’ चित्रपटातून प्रेक्षकांच्या भेटीला आला आहे. श्रीकांत बोला हे दृष्टीहीन आहेत. 'बोलंट इंडस्ट्री'चे संस्थापक अध्यक्ष आहेत. त्यासोबतच ते मॅसॅच्युसेट्स इन्स्टिट्यूट ऑफ टेक्नॉलॉजीच्या स्लोन स्कूल ऑफ मॅनेजमेंट सायन्समधील ते पहिले आंतरराष्ट्रीय अंध विद्यार्थी आहे. हा बायोपिक बॉक्स ऑफिसवर १० मे रोजी रिलीज झाला आहे.

या बायोपिकचं दिग्दर्शन तुषार हिरानंदानी यांनी केले आहे. सध्या चित्रपटाचे प्रेक्षक कौतुक करीत असून चाहत्यांना चित्रपटाची कथा प्रचंड भावलेली आहे. सध्या बॉक्स ऑफिसवर चित्रपटाचे जोरदार कौतुक केले जात आहे.

नुकतंच निर्मात्यानी चित्रपटाच्या कमाईचा आकडा शेअर केलेला आहे. चित्रपटाने ११ दिवसांत बॉक्स ऑफिसवर २८ कोटींची कमाई केलेली आहे. सध्या चित्रपटाचे प्रेक्षक जोरदार कौतुक करीत आहेत. राजकुमारच्या चित्रपटाला प्रेक्षकाकंडून उत्तम प्रतिसाद मिळत असून त्याच्या अभिनयाचंही सर्वत्र कौतुक होत आहे. दिग्दर्शक तुषार हिरानंदानी यांनी चित्रपटाचं दिग्दर्शन अगदी उत्तम केलं असून चित्रपटात त्याच्या आयुष्यातील संघर्ष त्यावर त्याने केलेली मात आपल्याला पाहायला मिळणार आहे.

श्रीकांत बोला यांचा हा जीवनप्रवास केवळ दृष्टिहिनांसाठीच नाही तर डोळस व्यक्तींसाठीही प्रेरणादायी आहे. चित्रपटात प्रमुख भूमिकेत राजकुमार रावसोबत ज्योतिका, शरद केळकर, आलया एफ आणि जमील खानही आहे. भूषण कुमार, कृष्ण कुमार आणि निधी परमारने चित्रपटाची निर्मिती केली आहे.