Kamal R Khan News : अभिनेता कमाल खान उर्फ KRKने खळबळजनक ट्विट केल्यामुळे त्याच्या चांगल्याच अडचणी वाढल्या आहेत. त्याने २०२० मध्ये एक वादग्स्त ट्विटसाठी अटक करण्यात आली आहे. मात्र, काल पासून मालाड पोलिसांच्या अटकेत असलेल्या कमाल खानच्या (KRK) छातीत दुखू लागल्याने त्याला रुग्णालयात दाखल करण्यात आले आहे. सध्या अभिनेता कमाल शताब्दी रुग्णालयात दाखल करण्यात आले आहे.

कमाल आर खान (Kamal R Khan) रोज असे काही ट्विट किंवा विधाने करतो, ज्यामुळे सोशल मीडियावर चर्चा होत असते. कमाल रशीद खानला २०२० मध्ये मालाड पोलिसांनी त्याच्या एका वादग्रस्त ट्विट प्रकरणी अटक केली. त्याने २०२० मध्ये ट्विटरवर लव्ह जिहादशी संबंधित मजकूर लिहिला आणि पोस्ट केला. त्याच्या ट्विटनंतर सोशल मीडियावर वातावरण चांगलंच तापलं होतं. मुंबई विमानतळावर उतरल्यानंतर त्याला अटक करण्यात आली. त्यामुळे त्याच्या अडचणी चांगल्याच वाढल्या आहेत. आज कमाल खानला छातीत दुखू लागल्याने रुग्णालयात दाखल केले आहे.

दरम्यान, काल मालाड पोलिसांनी 2020 मध्ये ट्विट प्रकरणी कमलला अटक केली. या ट्विटमध्ये कमलने लव्ह जिहादशी संबंधित मजकूर लिहिला आणि पोस्ट केला. आज कमलला बोरिवली न्यायालयात हजर केले असता न्यायालयाने त्याला १४ दिवसांची न्यायालयीन कोठडी सुनावली आहे. त्याच्या वकिलाने त्याच्या जामिनासाठी कोर्टात अर्ज केला होता, त्यावर आता 2 सप्टेंबरला सुनावणी होणार आहे