vaani kapoor fawad khan Post: २० एप्रिल २०२५ रोजी जम्मू-काश्मीरमधील पहलगाम येथील बाईसरण व्हॅलीमध्ये झालेल्या दहशतवादी हल्ल्यात २८ पर्यटकांचा मृत्यू झाला आणि २० हून अधिक पर्यटक जखमी झाले. या हल्ल्याच्या पार्श्वभूमीवर बॉलिवूड अभिनेत्री वाणी कपूरने सोशल मीडियावर 'गटेड' (gutted) असे लिहून आपला शोक व्यक्त केला. तर, पाकिस्तानी अभिनेता फवाद खानने देखील या हल्ल्याबद्दल दुःख व्यक्त केले.

वाणी कपूरने आपल्या इंस्टाग्राम स्टोरीवर 'गटेड' असे लिहून पहलगाम हल्ल्याबद्दलचा शोक व्यक्त केला. वाणीने काळ्या बॅकग्राउंडवर तुटलेल्या हृदयाच्या इमोजीसह पोस्ट करत, मी सुन्न झाले आहे, पहलगाममध्ये निष्पाप लोकांवर हल्ला पाहिल्यापासून माझ्याकडे शब्द नाहीत. मी खूप दुःखी आहे. माझ्या प्रार्थना त्यांच्या कुटुंबांसोबत आहेत.

पहलगाम दहशतवादी हल्ल्यानंतर भारत आणि पाकिस्तानमध्ये तणाव वाढला आहे. वाणी कपूर आणि पाकिस्तानी अभिनेता फवाद खान यांचा चित्रपट ९ मे रोजी प्रदर्शित होत आहे. दरम्यान, या चित्रपटात पाकिस्तानी अभिनेता असल्यामुळे या चित्रपटाला बॉयकॉट करण्याची मागणी सोशल मिडीयावर केली जात होती. तर, वाणी चित्रपटाचे प्रमोशन करत असल्यामुळे अनेक लोक तिला देशद्रोही म्हणत ट्रोल करत आहेत. फवाद खाननेही त्याच्या इंस्टाग्राम स्टोरीवर पहलगाम हल्ल्याबद्दल दुःख व्यक्त केले आहे. त्यात लिहिले आहे की, 'पहलगाममधील भयानक हल्ल्याच्या बातमीने खूप दुःख झाले आहे.

पहलगाम दहशतवादी हल्ल्यानंतर सोशल मीडियावर 'अबीर-गुलाल बॉयकॉट' ट्रेंड सुरू झाला होता, ज्यात काही लोकांनी बॉलिवूड कलाकारांच्या मौनावर टीका केली होती. तथापि, वाणी कपूर आणि फवाद खानने आपल्या पोस्टद्वारे या हल्ल्याबद्दलचा शोक व्यक्त केला, यानंतर आता 'अबीर-गुलाल चित्रपटावर बंदी घातली आहे.