बॉलिवूडचा लोकप्रिय अभिनेता आमिर खानची मुलगी आयरा खान लवकरच लग्नबंधनात अडकणार आहे. आमिर खानच्या घरी लगीसराई सुरु झाली आहे. काही महिन्यांपूर्वी आयरा खान आणि तिचा बॉयफ्रेंड नुपूर शिखरे यांचा साखरपुडा झाला होता. साखरपुड्यानंतर येत्या जानेवारी महिन्यात हे दोघेही लग्न करणार आहेत.
नुकताच नुपूर शिखरे आणि आयरा खानच्या केळवणाचा कार्यक्रमा पार पाडला. आयराने सोशल मीडियावर केळवणाचे फोटो शेअर केले आहेत.
केळवणासाठी आयरा आणि नुपूर दोघेही खूप सुंदर दिसत होते. नुपुरने कुर्ता घातला होता तर आयराने गुलाबी रंगाची साडी नेसली होती. आयराने नाकात नथ आणि चंद्रकोर लावून मराठमोळा लूक केला होता. आयराच्या केळवणाला अभिनेत्री मिथिला पालकरदेखील उपस्थित होती. त्याचसोबत घरातील इतर सदस्य उपस्थित होते.
आयराने इन्स्टाग्रामवर केळवणाचे फोटो आणि व्हिडिओ शेअर केले आहेत. यात आयरा उखाणा घेताना दिसत आहे. व्हिडिओत आयराला उखाणा घेण्यासाठी घरचे आग्रह करतात. त्यानंतर आयरा उखाणा घेते. 'मला मराठी येत नाही, पण पोपयसाठी मी कधीच नाही म्हणत नाही'. असा उखाणा ती घेते. यावेळी आयरा नुपुरला ज्या नावाने हाक मारते तेच नाव उखाण्यात घेते.
आयराच्या या फोटोवर चाहते लाईक्स आणि कमेंट्सचा वर्षाव करत आहेत. आयरा आणि नुपूर ३ जानेवारी २०२४ रोजी लग्नगाठ बांधणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.