Urvashi Rautela-Rishabh Pant: अभिनेत्री आणि मॉडेल उर्वशी रौतेला आणि भारतीय संघाचा स्टार क्रिकेटपटू विकेट-किपर आणि फलंदाज ऋषभ पंत नेहमीच चर्चा असतात. ऋषभ पंत आणि उर्वशीविषयी सोशल मीडियावर देखील नेहमीच बोलले जाते.

ऋषभचा अपघात झाला होता तेव्हा उर्वशी आणि तिच्या आईने सोशल मीडियावर पोस्ट करत ऋषभ बरा व्हावा यासाठी प्रार्थना केली होती. ऋषभ आणि उर्वशी नेहमीच चर्चेचा विषय असतात. सध्या उर्वशीचा एक व्हिडिओ सोशल मीडियावर बराच व्हायरल होत आहे. या व्हिडिओमध्ये उर्वशीला ऋषभविषयी विचारण्यात आले. त्यावर उर्वशी काय म्हणले ते पाहूया.

सोशल मीडियावर व्हायरल होत असलेल्या व्हिडिओमध्ये एका पत्रकाराने उर्वशीला ऋषभविषयी काही प्रश्न विचारले. पत्रकाराने ऋषभविषयी विचारताच उर्वशी बावरून गेली. तिला काय बोलावे हे सुचत नव्हते.

पत्रकाराने उर्वशीला विचारले की, ऋषभच्या अपघातानंतर तुम्ही त्यासाठी पोस्ट केली होती. तर आता तुमचं काही बोलणं झालं आहे. त्याची ताब्येत कशी आहे तुम्हाला माहित आहे का? यावर उर्वशी म्हणाली, तुम्हाला हवाय फक्त टीआरपी,टीआरपी, टीआरपी... आणि ते मी होऊन देणार नाही. असे बोलून उर्वशीने त्या प्रश्नाला टाळले. उर्वशीचा हा व्हिडिओ सोशल मीडियावर व्हायरल झाला आहे.

ऋषभ पंतचा डिसेंबर 2022 मध्ये भीषण कार अपघात झाला होता. यामध्ये तो गंभीर जखमी झाला होता. त्याच्या पाठीला, हाताला, गुडघ्याला, पायाला खूप दुखापत झाली होती. तेव्हापासून तो क्रिकेटपासून दूर आहे. पंत दुखापतीतून सावरत असला तरी तो पुन्हा कधी मैदानात खेळताना दिसेल माहित नाही.