भाच्याच्या प्रेमात वेडी झालेल्या मामीनं पोलीस स्टेशनमध्येच हाताची नस कापली. ही घटना घडली आहे, उत्तर प्रदेशातील सीतापूर जिल्ह्यात. या घटनेमुळे पोलिस ठाण्यात एकच खळबळ उडाली. प्रेमी भाच्यासोबत वाद झाल्यानंतर पोलिसांनी त्या दोघांना पोलीस स्टेशनमध्ये बोलवलं होतं. त्याचवेळी प्रेमात वेडी झालेल्या मामीने हातची नस कापून घेतली.

मामीने असा टोकाचा निर्णय घेण्याचं कारण म्हणजे भाच्यानं प्रेमसंबंध कायम ठेवण्यास नकार दिला. मामीने त्याला लग्नाची मागणी घातली होती, पण भाच्याने नकार दिल्यानं मामीनं पोलिसांसमोरच नस कापून घेतली. ही संपूर्ण घटना पिसावा पोलीस स्टेशन परिसरात घडली. या महिलेवर लखनऊ ट्रॉमा सेंटरमध्ये उपचार सुरू आहेत. मामीला आधीच दोन मुले आहेत.

पूजा मिश्रा असे या महिलेचे नाव असून ती कुतुबनगर येथील रहिवासी आहे. तर भाच्याचे नाव अलोक आहे. दरम्यान पूजाचे लग्न गाझियाबादमध्ये राहणाऱ्या ललित मिश्रासोबत झाले आहे. ललित मिश्रा हा मजूर म्हणून काम करतो. ललितने आलोकला त्याच्या कामात मदत करण्यासाठी बोलावले होते. ललित आणि पूजाला दोन मुले आहेत. दरम्यान आलोकचे त्याच्या मामीशी सूत जुळलं.

जेव्हा ललितला त्याची पत्नी आणि भाच्याच्या प्रेमसंबंधाची माहिती मिळाली तेव्हा त्याने आलोकला घरातून हाकलून लावले. त्यानंतर पूजा तिच्या मुलांना सोडून आलोकसोबत बरेलीला राहायला गेली. तेथे ते सुमारे सात महिने एकत्र राहिले. आलोक बरेलीमध्ये ऑटो चालवायचा.

काही महिने दोघांमध्ये सौहार्दपूर्ण संबंध होते, पण नंतर क्षुल्लक गोष्टींवरून त्यांच्यात वाद होऊ लागले. वादामुळे आलोक पूजाला सोडून सीतापूरच्या पिसावा भागातील त्याच्या मूळ गावी, मढिया येथे परतला. आलोक तिला सोडून जाण्यास इच्छित असल्याचं कळल्यानंतर पूजादेखील सीतापूरला परतली.

दरम्यान हे प्रकरण सोडवण्यासाठी पोलिसांनी आलोक आणि पूजाला पोलीस ठाण्यात बोलावले होते. तडजोडीची चर्चा सुरू असतानाच आलोकने पूजाला आपल्यासोबत ठेवण्यास नकार दिला. याचा राग आल्यानंतर पूजाने पोलिस स्टेशनमध्येच आपले मनगट कापले. या चिरामुळे स्टेशनमधील पोलिस अधिकाऱ्यांमध्ये एकच खळबळ उडाली.