नव जोडप्याची पहिली मधुचंद्राची रात्र पण, त्याच रात्री नवरीनं केलेल्या विचित्र मागणीमुळे नवरदेवाला धक्का बसला. नवरीची मागणी ऐकून नवरदेवानं थेट पोलीस स्टेशन गाठलं. ही विचित्र घटना उत्तर प्रदेशातील बरेलीमध्ये घडलीय. बरेलीमधील बारादरी येथील एका तरुणाचं जानेवारी महिन्यात लग्न झालं होतं. लग्नाच्या पहिल्या रात्री नवरीनं त्याच्याकडे विचित्र मागणी केली. नवरीची मागणी ऐकून नवदेवाला घाम सुटला.

या तरुणाला नवरीने तिच्या आयुष्यातील एक किस्सा सांगितला. हा किस्सा ऐकल्यानंतर नवरदेवाला धक्का बसला. नवरीचं बोलणं ऐकल्यानंतर नवरदेवाने त्यांच्या घरच्यांनाही नवरीच्या प्रेम प्रकरणाची माहिती दिली. हा किस्सा ऐकून नवरदेवाच्या घरातील सदस्यांनाही मोठा धक्का बसला. मधुचंद्राच्या रात्रीपासून नवरीनं नवरदेवापासून दूर राहणं सुरू केलं. त्यानंतर घरच्यांशी चर्चा केल्यानंतर नवरदेवानं थेट पोलीस स्टेशन गाठत नवरीविरोधात तक्रार नोंदवली आहे.

काय आहे प्रकरण

जानेवारी महिन्यात या तरुणाचं लग्न झालं होतं. आपल्या नव्या संसाराची स्वप्न घेऊन नवरदेव आणि नवरीने घरात प्रवेश केला. पण मधुचंद्राच्या रात्री नवरीनं नवऱ्याला वेगळचं सत्य सांगितलं. ते ऐकून नवरदेवाच्या पायाखालची जमीन सरकली. मधुचंद्राच्या रात्री नवरीने नवरदेवाला तिच प्रेम प्रकरण असल्याचं सांगितलं. मी दुसऱ्यावर प्रेम करते.

घरच्यांनी माझं जबरदस्तीने लग्न करण्यास भाग पाडलं. मला हात लावू नको, नवरीचं हे बोलून ऐकून नवरदेवाला धक्का बसला. त्यादिवसापासून नवरी नवरदेवापासून दूर राहते. 'मला सोडून दे, नाहीतर मी तुझ्या वडिलांवर विनयभंगाचा आरोप करेन. त्यांना तुरुंगात टाकेन', अशी धमकी नवरी मुलगी देते. त्यामुळे पीडित मुलगा नैराश्यात गेलाय.

त्यानंतर मुलाने नवरीने सांगितलेली प्रेम प्रकरणाची गोष्ट त्यांच्या घरच्यांना सांगितली. त्याचबरोबर त्याने मुलीच्या घरच्यांनाही याची माहिती दिली. पण मुलीच्या घरच्यांनी नवरदेवालाच शिवीगाळ केली. तिच्या घरचे त्याला नवरीसोबत संसार करण्यास नवऱ्यावर दबाव टाकत आहेत. पण नवरीला नवरदेवासोबत राहायचं नाहीये. त्यामुळे मुलाने नवरी मुलगी आणि तिच्या घरच्यांविरोधात पोलिसात तक्रार दाखल केलीय.