- फय्याज शेख

Thane News :

मुरबाड बाजारपेठेत तलवार घेऊन दहशत निर्माण करणाऱ्या चार युवकांना ठाणे ग्रामीणच्या टोकवडा पोलिसांनी (tokwada police) बेड्या ठोकल्या. यातील एक युवक (youth) हा पुणे (pune) जिल्ह्यातला असून अन्य तिघे ठाणे (thane) जिल्ह्यातील असल्याची माहिती पाेलिसांनी दिली.  (Maharashtra News)

पाेलिसांनी दिलेल्या माहितीनूसार मुरबाड तालुक्यातील धसई बाजारपेठेत रिक्षाने आई समवेता निघालेल्या युवकाचा रिक्षावाल्याशी वाद झाला होता. त्यानंतर आईला घरी सोडून पुन्हा ताे आपल्या मित्रांना घेऊन रिक्षा चालकाला मारण्यासाठी शाेधू लागला.

काही युवक हे भर दुपारी धसई बाजारपेठत दहशत निर्माण करीत आहेत. त्यांच्याकडे तलावर असल्याची माहिती टोकवडा पोलिसांपर्यंत पाेहचली. त्यानंतर पोलिस निरीक्षक सचिन कुलकर्णी यांनी तत्काळ बाजारपेठेत धाव घेत चारही युवकांच्या मुसक्या आवळल्या.

पाेलिसांनी गणेश इरणाक (वय 18, रा. चिंचपुरे माळ मंचर ता. आंबेगाव जि. पुणे), सुनील ईरनक (वय 23 रा. सिंगापूर ता. मुरबाड जि. ठाणे), बाळू पारधी (वय 22 रा. सिंगापूर ता. मुरबाड जि. ठाणे), कुणाल ईरनक (वय 21 रा. सिंगापूर ता. मुरबाड जि. ठाणे) यांना ताब्यात घेतले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यांच्यावर जिल्हाधिकारी यांचे मनाई आदेशाचा भंग केला म्हणून (भा.द.स.क. 143,147,149,सह आर्म अॅक्ट 1959 चे कलम 425, महाराष्ट्र पोलीस अधिनियम नुसार) गुन्हा दाखल केला. पुढील तपास टोकवडा पोलिस करत आहेत.

Edited By : Siddharth Latkar