Crime News in Marathi : बायकोला आणायला सासुरवाडीला गेला, पण तिथे गेल्यानंतर शुल्लक काराणामुळे बाचाबाची झाली. वाद इतका वाढला की, जावयाने सासऱ्याची चाकूने भोसकून हत्या केली. नात्याला काळीमा फासणारी ही घटना राजस्थानमधील बूंदी जिल्ह्यात घडली आहे. पोलिसांनी याप्रकरणी आरोपी जावयाला बेड्या ठोकल्या आहेत. मिळालेल्या माहितीनुसार, आरोपी जावई पत्नीला आणण्यासाठी सासुरवाडीला गेला होता, त्यावेळी वाद झाला, त्यातूनच ही घटना घडली.

गेल्या काही दिवसांपासून आरोपी बायको आणि मामा सासऱ्यावर नाराज होता. त्यातच बायको अचानक माहेरी गेली, त्यामुळे त्याचा राग आणखी वाढला. तो बायकोला आणण्यासाठी सासुरवाडीला गेला. त्यावेळी मामांसोबत त्याचा वाद झाला. रागाच्या भरात ३८ वर्षीय जावयाने सासऱ्याचा खून केला. कुटुंबाच्या तक्रारीनंतर पोलिसांनी गुन्हा दाखल केला अन् जावयाला बेड्या ठोकल्या.

येथील केशवराईपाटण शहरातील झोपडपट्टी परिसरात रविवारी ही घटना घडली. कौटुंबिक कारणावरून जावयाने मामाची चाकूने भोसकून निर्घृण हत्या केली. पोलीस तात्काळ घटनास्थळावर दाखल झाले. हंसराज मीना यांनी याचा तपास सुरू केला.

सकाळी सकाळी कुटुंबात जोरदार वाद सुरू झाला होता. त्यावेळी संतापलेल्या जावई शहजाद याने चाकूने हल्ला करून कल्लू खान याची हत्या केली. या हल्ल्यात कल्लूची पत्नी शाहजहानही जखमी झाली आहे. मृतदेहाचे पोस्टमार्टम कोटा एमबीएस रुग्णालयाच्या शवागारात करण्यात आलेय. जखमी शाहजहानवरही उपचार सुरू आहेत.