पुण्यातील चितळे बंधूंच्या दुकानावर दरोडा पडला आहे. औंध बाणेर रोडवरील दुकान फोडून चोरट्यांकडून डल्ला मारण्यात आला आहे. या घटनेचा सीसीटीव्ही व्हिडिओ देखीस समोर आला आहे. सदर घटनेमुळे परिसरात एकच खळबळ उडाली आहे.
मिळालेल्या अधिक माहितीनुसार, घटनेची माहिती मिळताच पुणे पोलिसांनी तातडीने घटनास्थळी धाव घेतली. तसेच तपासाला सुरूवात केली आहे. चोरट्यांनी मोठ्या प्रमाणात रक्कम चोरल्याची प्राथमिक माहिती मिळाली आहे. पुणे पोलिसांकडून आरोपीचा शोध सुरू आहे.
चोरीच्या घटनेचा सीसीटीव्ही व्हिडिओ देखीस समोर आला आहे, व्हिडीओमध्ये तुम्ही पाहू शकता की, रात्रीच्या अंधाराचा फायदा घेत चोरट्यांनी दुकानात प्रवेश केला आहे. दुकानात आल्यावर त्यांनी थेट गल्ला फोडला. यात असलेली सर्व रक्कम घेऊन चोरटे पसार झाले आहेत.
पुण्यात पाषाण, सदाशिव पेठेतील ज्येष्ठ नागरिकांची ७० लाखांची फसवणूक
पुण्यात चोरट्यांचा सुळसुळाट वाढला आहे. घरफोडी तसेच दुकानांवर डल्ला मारणे यासह सायबर चोरट्यांचे प्रमाण वाढले आहे. बुधवारी देखील अशीच एक सायबर गुन्हेगारीची घटना समोर आली होती.
सायबर चोरट्यांनी पोलिस असल्याच्या बहाण्याने पाषाण आणि सदाशिव पेठेतील दोन ज्येष्ठ नागरिकांच्या बँक खात्यातून ऑनलाइन ७० लाख रुपये चोरी केले. याबाबत पाषाणमधील एका ज्येष्ठ नागरिकाने चतु:शृंगी पोलिस ठाण्यात फिर्याद दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.