अक्षय बडवे| पुणे, ता. १५ जुलै २०२४

पुणे शहरातील उच्चभ्रू भाग असलेल्या डेक्कन भागात चोरी झाल्याचे उघडकीस आले आहे. हिरेजडीत हार, टीबीबल २० तोळे दागिन्यांसह आठ हजारांची रोकड लंपास करण्यात आली आहे. याप्रकरणी आरोपीला अटक करण्यात आली असून १७ लाख रुपयांचा ऐवज जप्त करण्यात आला आहे.

याबाबत सविस्तर माहिती अशी की, डेक्कन जिमखाना भागातील एका बंगल्यात चोरी झाली असून घरातील दागिने चोरीला घटना घडली होती. या संदर्भात एका ज्येष्ठ महिलेने डेक्कन पोलिस ठाण्यात फिर्याद दिली होती.

पोलिसांनी सीसीटीव्ही फुटेज तपासून माहिती घेतली असता यामध्ये अल्लाबक्ष महंमद पिरजादे याचा सहभाग झाल्याचे उघडकीस आले. पीरजादेने घरफोडी केल्याची माहिती पोलिसांना मिळाली. यानंतर पोलिसांनी मंगळवार पेठेत सापळा रचला. पोलिसांचा सापळा आरोपीला दिसला आणि त्याने तिथून पळ काढला.

पोलिसांनी त्याचा पाठलाग करून आरोपीला ताब्यात घेतले अन् अटक केली. यानंतर झालेल्या चौकशीमध्ये त्याने सर्व दागिने पुणे महापालिका जवळ असलेल्या मेट्रो स्थानकाच्या जवळ एका खड्ड्याखाली लपवले असल्याची कबुली दिली. या माहितीप्रमाणे पोलिसांनी १७ लाखांची रोकड जप्त केली असून अधिक तपास सुरू आहे.