सचिन जाधव 

पुणे : कारने जात असताना कारला धक्का लागल्याने घासले गेले. यामुळे नुकसान भरपाईची मागणी केली. ही (Pune) भरपाई मागण्यासाठी गेलेल्या तरुणाचा धारदार शस्राने वार करत खून केल्याची घटना शेवाळेवाडी येथे घडली. ही घटना रात्री (Crime News) सव्वादहाच्या सुमारास घडली आहे. (Latest Marathi News)

शेवाळवाडी येथील अभिषेक संजय भोसले (वय ३०) असे खून झालेल्या तरूणाचे नाव आहे. अभिषेक हा फर्निचरचे काम करतो. दरम्यान तो १२ डिसेंबरला सायंकाळी सहा वाजण्याच्या सुमारास कारने (Pune Crime News) शेवाळेवाडी येथील महादेव मंदिराजवळून जात होता. त्यावेळी त्याच्या मोटारीला विलास सुरेश सकट (वय ३१ वर्षे, रा. चंदवाडी, फुरसुंगी) यांची गाडी घासली गेली. त्यावरून अभिषेक व विलास यांचा वादविवाद झाला होता.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान रात्री सव्वादहा वाजण्याच्या सुमारास शेवाळेवाडी - फुरसुंगी रस्त्यावर नुकसान भरपाईबाबत चर्चा करण्यासाठी दोघे भेटले. त्यावेळी झालेल्या वादातून सकट यांच्यासह सात- आठ जणांनी अभिषेकच्या तोंडावर व डोक्यावर धारदार शस्त्राने मारहाण करून खून केला. या प्रकरणी हडपसर पोलिसांनी गुन्हा दाखल केला आहे. दोन संशयिताना पोलीसांनी ताब्यात घेतले असून बाकी आरोपीचा शोध सुरू आहे.