Satara News :

सातारा शहरातील कमानी हौद चौक परिसरात गोळीबार करणाऱ्या संशयित आरोपींची पोलिसांनी धिंड काढली. दहशत मोडत काढण्यासाठी संशयित आरोपींची पाेलिसांनी शहरातून धिंड काढली. या प्रकारानंतर चाैका-चाैकात पाेलिसांच्या कृतीची जाेरदार चर्चा रंगली हाेती. (Maharashtra News)

सातारा शहरातील कमानी हौद परिसरात बुधवारी मध्यरात्रीच्या सुमारास गाडी लावण्याच्या कारणावरून विशाल वायदंडे या युवकावर दोघांनी गोळीबार केला होता. पाेलिसांनी तपासाची अंती दाेन युवकांवर गुन्हा दाखल केला हाेता.

गुन्हा दाखल असलेल्या दाेन्ही युवकांना पाेलिसांनी साेमवारी (ता.1) अटक केली. त्यानंतर संशयित आरोपी धीरज ढाणे आणि हर्षद शेख या दाेन्ही युवकांना साेबत घेत पाेलिसांनी त्यांना घटनास्थळावरुन पायी चालत नेले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नव्या वर्षाच्या पहिल्याच दिवशी सातारा शहरातील गुन्हेगारांची दहशत मोडून काढण्यासाठी संपूर्ण शहरातून या दोन्ही संशयित आरोपींची धिंड काढल्याची जाेरदार चर्चा चाैकाचाैकात रंगली.

अपप्रवृत्ती मोडीत काढू : देसाई

साता-याच्या प्रगतीत काेणी अडथळा आणत असेल तर ते खपवून घेतले जाणार नाही. या प्रवृत्ती मोडीत काढल्या जातील अशी ग्वाही पालकमंत्री शंभूराज देसाईंनी काही दिवसांपूर्वीच उद्याेजकांना दिली हाेती. त्यानंतर साता-यातील गुन्हेगारी माेडीत काढण्यासाठी पाेलिसांनी प्रयत्न सुरु केले आहेत अशी देखील चर्चा रंगली आहे.

Edited By : Siddharth Latkar