नागपूर : नागपुरात महिला सुरक्षेचा प्रश्न ऐरणीवर आला आहे. नागपुरात शाळेजवळ एका अल्पवयीन विद्यार्थिनीची हत्या केल्याची घटना घडली आहे. नागपुरातील अजनी रेल्वे कॉलनी परिसरात असलेल्या शाळेपासून काही अंतरावर अल्पवयीन मुलींची हत्या झाल्याची घटना घडली आहे. या घटनेने परिसरात खळबळ उडाली आहे. शाळकरी मुलीच्या हत्येने महिलांच्या प्रश्न ऐरणीवर आला आहे.

मिळालेल्या माहितीनुसार, नागपुरातील अजनी रेल्वे कॉलनी परिसरात धारदार शस्त्राने वार करत विद्यार्थिनीची हत्या केल्याची घटना घडली. अजनी रेल्वे कॉलनी परिसरात शाळेपासून काही अंतरावर असताना 16 वर्षी मुलीची हत्या करण्यात आली. मुलगी 10व्या वर्गात शिक्षण घेत होती. शाळा सुटल्यावर घराकडे जाताना असताना अचानक अल्पवयीन आरोपीने तिला बोलण्यासाठी थांबवलं. पण ती निघून गेली. एवढ्यातच दुचाकीने आलेल्या अल्पवयीन आरोपीने मुलीवर चाकूने हल्ला केला.

आरोपीच्या हल्ल्यात मुलगी गंभीर जखमी होऊन ओरडत असताना रक्तस्त्राव झाल्यानंतर मुलीचा मृत्यू झाला आहे. आरोपी मुलगा 17 वर्षीय अल्पवयीन असल्याची प्राथमिक माहिती समोर येत आहे. तो रामबाग भागातील राहवासी आहे. सपासप वार केल्यानंतर मुलगा फरार झाला. पोलिसांनी आरोपीचा शोध सुरू केला. वरिष्ठ पोलीस अधिकाऱ्यांनी घटनास्थळी जाऊन पाहणी केली.

अल्पवयीन मुलीची हत्या झाल्याची माहिती मिळताच पोलिसांनी घटनास्थळी धाव घेतली. पोलिसांनी या प्रकरणात हत्येचा गुन्हा नोंदवून पुढील तपास सुरु केला आहे. पोलिसांनी घटनास्थळाचा पंचनामा घेण्यास सुरुवात केली. पोलिसांनी मुलीचा मृतदेह ताब्यात घेऊन शवविच्छेदनासाठी पाठवण्यात आला आहे. आरोपी मुलाने मुलीची हत्या का केली, याचा तपास पोलिसांकडून सुरु करण्यात आला आहे. तर मुलीच्या हत्येने पीडित मुलीच्या कुटुंबीयांकडून आक्रोश व्यक्त होत आहे. अल्पवयीन मुलाने विद्यार्थिनीची हत्या केल्याने परिसरातील स्थानिकांकडून कारवाईची मागणी केली जात आहे.