पराग ढोबळे, नागपूर|ता. २७ एप्रिल २०२४

गुन्हेगारी पार्श्वभूमीवर असलेल्या एकाचा मकोकाची कारवाई झालेल्या आरोपीकडून निर्घुण खून करण्यात आल्याची घटना नागपूरमध्ये घडली. या धक्कादायक घटनेने शहरात खळबळ उडाली असून या प्रकरणी दोघांना अटक करण्यात आली आहे.

याबाबत सविस्तर माहिती अशी की, अजनी पोलीस ठाण्याच्या हद्दीतील हावरापेठ येथे गुन्हेगारी पार्श्वभूमीवर असलेल्या एकाची मकोकाची कारवाई झालेल्या आरोपीकडून खून करण्यात आला. जुन्या वादातून हत्या घडल्याचे पोलिसांकडून सांगितले जात असले तरी दोन टोळ्यांमधील वर्चस्वाच्या वादातून ही घटना घडल्याचे सांगण्यात येत आहे.

अमोल मेहेर असे मृत युवकाचे नाव असून तो प्रॉपर्टी ब्रोकरचा काम होता. त्यावर गुन्हे दाखल होते. तर रजत उर्फ लल्ला शर्मा असे मारेकरी तरुणाचे नाव असून त्याच्यावर सुद्धा गंभीर गुन्हे दाखल आहेत.

आरोपीसोबत अमोलचे बऱ्याच दिवसापासून जुने वाद होते. अमोल हा राहत्या परिसरात मित्राकडे गेला असता तिथेच त्याला साथीदारांनासोबत घेरून शस्त्राने मारहाण केली. ज्यामध्ये त्याचा मृत्यू झाला. या प्रकरणी रजत किशोर शर्मासह अन्य दोघांना अजनी पोलिसांनी अटक केली आहे. तसेच पुढील तपास सुरु आहे.