Nagpur Crime News

क्षुल्लक कारणातून मित्राने मित्राची चाकू भोसकून खून केल्याची धक्कादायक घटना नागपूर लकडगंज पोलीस स्थानकाच्या हद्दीत घडली आहे. शुक्रवारी रात्री ही घटना घडली असून विजय चव्हाण असं खून झालेल्या तरुणाचं नाव आहे. याप्रकरणी विजय उर्फ भैरव डायरे याला पोलिसांनी ताब्यात घेतले आहे.

पोलिसांनी दिलेल्या माहितीनुसार, विजय चव्हाण आणि भैरव डायरे या दोन मित्रांचा टेलिफोन एक्स्चेंज परिसरात देशी दारू दुकानाजवळ वाद झाला. थोड्यावेळात या वादाचे हाणामारीत रूपांतर झाले. यावेळी रागाच्या भरात भैरव डायरे याने विजय चव्हाणचा चाकूने भोसकून खून केला. पोलिसांना याची माहिती मिळाल्यानंतर पोलीस घटनास्थळी दाखल झाले आणि मृतदेह ताब्यात घेतला. तसेच संशयित आरोपी भैरवला अटक केली आहे. दरम्यान हे दोघेही मित्र असून दोघांचीही गुन्हेगारी पार्श्वभूमी आहे. तसेच दारू पिण्यावरून या दोघांच्यात वाद झाल्याची माहिती पोलीस उपायुक्त गोरख भांबरे यांनी दिली. या प्रकरणाचा पोलिसांकडून अधिक तपास सुरू आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)