मुंबईतील कांदिवली परिसरात एक धक्कादायक घटना घडली आहे. डोसा विक्रत्याने आपल्या आधी महिलेला पार्सल दिल्याने एका व्यक्तीला प्रचंड राग आला. त्याने त्याला महिलेशी गैरवर्तन आणि शिवीगाळ केली. याच आरोपाखाली त्याला अटक करण्यात आली आहे. कांदिवली पूर्व परिसरात मंगळवारी ही घटना घडली आहे.

पोलिसांनी दिलेल्या माहितीनुसार, आरोपी आणि त्याच्या मित्रावर पोक्सो कायदा आणि आयपीसी कायद्याअंतर्गत गुन्हा दाखल करण्यात आली आहे. या दोघांना बुधवारी अटक करण्यात आली आहे.

मिळालेल्या माहितीनुसार, कांदिवली येथील सेंट्रियम मॉलजवळील एका डोसा स्टॉलवर ही घटना घडली आहे. ३६ वर्षीय महिला आपल्या मुलीसह या स्टॉलवर डोसा खायला गेली होती. तिथे अनेक ग्राहक डोसा खात होतो. महिलेने डोसाची पार्सल ऑर्डर दिले. त्यानंतर डोसा विक्रेत्याने पार्सल दिले. परंतु तिथे असलेल्या एका व्यक्तीने महिलेआधी ऑर्डर दिली होती. परंतु आपल्याला ऑर्डर न देता महिलेला आधी ऑर्डर दिली याचा त्या व्यक्तीला प्रचंड राग आला.

रागाच्या भरात त्याने महिलेला शिवीगाळ केली. त्या व्यक्तीने डोसा विक्रेत्याला पण जाब विचारला. तू जाणून बूजून माझ्याआधी महिलेला डोसा दिला काय? असं त्याने विचारलं. यानंतर महिलेनेदेखील त्याला उत्तर दिले. त्यांच्यात थोडा वाद झाला. त्यानंतर त्या व्यक्तीने महिलेला शिवीगाळ करण्यास सुरुवात केली, असे पोलिसांनी सांगितले.

या संपूर्ण घटनेची माहिती महिलेने घरच्यांनी दिली. त्यानंतर महिलेचा दीर घटनास्थळी पोहोचला. त्यानंतर आरोपी आणि त्याच्या मित्राने महिलेच्या दीराला बेदम मारहाण केली, शिवीगाळ केली, असंही पोलिसांनी सांगितले. आजूबाजूचे लोक घटनास्थळी दाखल व्हायला लागल्यावर आरोपी आणि त्याचे मित्र पसार झाले. या दोघांविरोधात गुन्हा दाखल करण्यात आला आहे.