मुंबईतील भांडुपमधील उच्चभ्रू सोसायटीमध्ये एका अल्पवयीन मुलीने आत्महत्या केलीय. एका बहुमजली इमारतीवरून उडी मारून मुलीने आयुष्य संपवलंय. याप्रकरणी पोलिसांनी घटनेचा पंचनामा करत तपास सुरू केलाय. मृत मुलीच्या कुटुंबीयांनी मात्र वेगळाच संशय व्यक्त करत मुलीने आत्महत्या केली नसल्याचा दावा केलाय.

मिळालेल्या माहितीनुसार, मृत मुलगी मित्राला भेटण्यासाठी आली होती अशी माहिती मिळत आहे. अल्पवयीन मुलीनं इमारतीच्या ३० व्या मजल्यावरून उडी मारून आत्महत्या केल्याचं सांगितलं जात आहे. परंतु तिच्या पालकांनी हा घातपात असल्याचा संशय व्यक्त केलाय. त्यामुळे या घटनेचा पोलिसांनी कसून तपास करावा अशी मागणी केली जात आहे.

साठ्ये कॉलेजमध्ये तरूणीनं आयुष्य संपवलं

२१ वर्षीय संध्या पाठक नावाच्या मुलाने साठ्ये कॉलेजमध्ये आत्महत्या केल्याची घटनाही काही दिवसापूर्वी घडली होती. ती साठ्ये कॉलेजमध्ये तिसऱ्या वर्षाला शिकत होती. संध्याने इमारतीच्या तिसऱ्या मजल्यावरून उडी मारत आत्महत्या केली होती. या प्रकरणाचा पोलिसांकडून तपास सुरू आहे. मात्र तिच्या पालकांनी मृत्यूबाबत वेगळाच संशय व्यक्त केलाय.

हॉस्टेलमध्ये विद्यार्थ्याची आत्महत्या

लातूरमध्ये एका विद्यार्थ्याने हॉस्टेलमध्येच गळफास घेऊन आत्महत्या केल्याची घटना काही दिवसांपूर्वी घडली होती. लातूरच्या विलासराव देशमुख कृषी महाविद्यालयात प्रथम वर्षात हा विद्यार्थी शिकत होता. हॉस्टेलमधील एका रुममध्ये गळफास लावून त्याने आत्महत्या केली होती. त्याच्या खोलीमध्ये नीट परीक्षेचे दोन मार्कशीट आढळून आले होते. महाविद्यालयाच्या प्रांगणात असणाऱ्या होस्टेलमध्ये त्याने गळफास लावून आत्महत्या केली. दीपक कुमार धनावत असे अमृत विद्यार्थ्याचे नाव आहे. दीपक हा मूळचा राजस्थान येथील रहिवासी होता.